04 Korrik 2020

Ministri Selimi pranon detyrën e re për të udhëhequr Ministrinë e Drejtësisë

Prishtinë, 5 qershor - Sot zyrtarisht është bërë pranimi i detyrës nga Ministri i Drejtësisë, Selim Selimi.

Ceremonia e pranimit të detyrës së Ministrit Selimi, është bërë nga Sekretari i Përgjithshëm i Ministrisë së Drejtësisë, Qemajl Marmullakaj, për shkak të mungesës së ish-ministres, Albulena Haxhiu.

Ministri Selimi, u zotua se do të punojë dhe angazhohet për përmbushjen e programit qeverisës që ka të bëjë me sundimin e ligjit, ndërsa tha se është e rëndësishme që politika t’i ketë duart larg nga drejtësia.

“Një pjesë e programit të Qeverisë ka të bëjë me sundimin e ligjit. Ne do të angazhohemi dhe do të punojmë që ta bëjmë të realizueshme këtë program. Është e rëndësishme që politika t’i ketë duart larg drejtësisë dhe mos të ndërtojmë mekanizma që në ndonjë mënyrë, mund të ndikojnë në prokurori dhe gjyqësi. Është e rëndësishme të ruhet edhe substanca e shërbimit civil në Ministri, e cila e ka mbajtur ministrinë të gjallë dhe të suksesshme gjatë gjithë etapave”, tha Ministri Selimi.

Gjatë kësaj ceremonie, Ministri Selimi tha se nga Sekretari i MD-së, z. Marmullakaj, është njoftuar për prioritetet e MD-së, e që sipas tij kanë të bëjnë me agjendën legjislative, si dhe disa çështje që janë në proces sipas planit të punës si dhe për disa çështje që kanë të bëjnë me sfida buxhetore.

Ministri Selimi premtoi bashkëpunim me institucionet e drejtësisë, Kuvendin, shoqërinë civile dhe gjithë akterët e tjerë që kanë rol të rëndësishëm në përmirësimin dhe fuqizimin e sistemit të drejtësisë në vend.

 

Kalendari

Ngjarjet e datës 4 Korrik 2020

- Shoqata "Miqtë e Amerikës", do të organizojë aktivitet në nderim të 4 korrikut - Dita e Pavarësisë së SHBA ku aktiviteti fillon me pastrimin e sheshit Bill Clinton nga zjarrfikësat e Prishtinës. (Sheshit Bill Clinton, ora 10:00)

- Ministri i Infrastrukturës, Arban Abrashi do të bëjë shenjëzimin e shtigjeve të biçikletave në hyrje të Fushë-Kosovës, te rrethi i kazermës “Adem Jashari”, bashkë me grupin e çiklistëve “Marakli t’biçikletave”. (Parkingu i Ministrisë së Infrastrukturës, ora 10:00)

- Në nderim të 4 korrikut - Dita e Pavarësisë së SHBA pjestarët e Qendrës së Mjekësisë Urgjente të Prishtinë do ta ngrisin flamurin. (Sheshi Bill Clinton, ora 11:00)
 
- Kryeministri merr pjesë në fillmin e fushatë së korrje shirjeve në Kosovë. (Zona Industriale në fshatin Shirokë, Komuna e Suharekës, ora 14:00)