11 Korrik 2020

Ministri Hyseni takoi ambasadorin e Francës në Kosovë

Prishtinë, 22 maj - Ministri i Punëve të Jashtme i Republikës së Kosovës, Skender Hyseni, ka takuar sot Ambasadorin e Republikës Franceze në Kosovë, Zhan-Fransua Fito (Jean-Francois Fitou), i cili e njoftoi Ministrin Hyseni me detajet e përgatitjes që Ministria e Jashtme e Francës po bën për pjesëmarrjen e Ministrit Hyseni në Konferencën Ministrore të Organizatës Ndërkombëtare të Frankofonisë, e cila do të mbahet në Nicë të Francës më 29-31 maj. 

Pjesëmarrja e Ministrit Hyseni në këtë konferencë vie pas ftesës që i është bërë atij nga Ministri i Jashtëm i Republikës Franceze, Bernard Kushner, gjatë vizitës së Ministrit Hyseni në Paris më 3 maj. 

Në konferencën e Nicës, Ministri Hyseni pritet të takoj përfaqësuesë dhe homologë nga vende të ndryshme anëtare të organizatës ndërkombëtare të Frankofonisë, që nuk e kanë njohur ende Kosovën si shtet të pavarur dhe sovran. Ministri Hyseni po ashtu do të takohet edhe me disa ministra nga vende anëtare të kësaj organizate që tashmë e kanë njohur Kosovën shtet të pavarur dhe sovran.

Ministri Hyseni edhe njëherë e falënderoi Ambasadorin francez për ftesën dhe angazhimin e diplomacisë franceze në mbështetje të  Kosovës. Gjatë takimit të sotëm të Ministrit Hyseni me Ambasadorin Fito është biseduar po ashtu edhe për situatën e përgjithshme në Kosovë, si dhe për pjesëmarrjen e Kosovës në Konferencën e Sarajevës.  

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)