11 Korrik 2020

Ministri Demolli po qëndron për vizitë pune në Bullgari

Sofje, 29 maj - Ministri i Drejtësisë së Republikës së Kosovës, z. Haki Demolli, ka udhëtuar për në Bullgari, ku po qëndron për vizitë pune.

Ministri Demolli në Sofje është pritur nga zëvendësministri i Drejtësisë së Bullgarisë, z. Hristo Angelov dhe nga Drejtori i Departamentit për Bashkëpunim Juridik Ndërkombetarë në Bullgari, Borislav Petkov.

Qëllimi i realizimit të kësaj vizite ishte thellimi i bashkëpunimit në mes të Ministrisë së Drejtësisë së Kosovës dhe Ministrisë së Drejtësisë së Bullgarisë.

Në këtë takim, ministri Demolli i dorëzoi zëvendësministrit Angelov Propozim-marreveshjen për Bashkepunim Juridik Ndërkombëtarë në Çështjet Penale, Propozim-marreveshjen për Ekstradim dhe Propozim-marreveshjen për Transferim të Personave të Dënuar.

Ndërkaq, zëvendësministri Angelov duke çmuar lart iniciativën e palës kosovare për të filluar negociatat me palën bullgare, lidhur me arritjen e marrveshjeve në fushën e bashkëpunimit juridik ndërkombëtarë, shprehu gatishmërinë e tij që Ministria e Drejtësisë së Bullgarisë t’i ofrojë mbështetje dhe bashkëpunim Ministrisë së Drejtësisë së Kosovës.

Ministri Demolli gjatë kësaj vizite po shoqërohet nga Ambasadorja e Kosovës në Bullgari, znj. Ariana Zherka dhe nga z. Ehat Miftaraj, Udheheqës i Divisionit për Bashkëpunim Juridik Ndërkombëtarë në Ministrinë e Drejtësisë.

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)