02 Prill 2020

Mbahet takimi i Ekipit Komunal për planifikimin e sheshit të Rahovecit

Rahovec, 27 shkurt - Ekipi Komunal për Planifikim i themeluar nga Kryetari i Komunës së Rahovecit, z. Smajl Latifi me vendim Nr. 02/289/2020, më datë: 20.02.2020, ka mbajtur sot takimin i parë për planifikimin e sheshit qendror të qytetit të Rahovecit.

Në këtë takim u diskutua për punët e arritura deri më tani, si dhe për përgatitjet për diskutimet që do të mbahen me qytetarë në fazën e re të procesit gjatë pjesës së dytë të muajit mars.

‘’I falënderoj anëtarët e këtij ekipi për gatishmërinë e treguar që të punojmë së bashku në këtë projekt kaq të rëndësishëm për qytetin e Rahovecit."

"Hap pas hapi, dhe në bashkëpunim të ngushtë me ekspertët organizatës më të njohur në botë për planifikim UN-Habitat, projektin për ndërtimin e sheshit do ta bëjmë realitet’’,-u shpreh Drejtori i DUPMM, z. Rumir Zhuniqi.

Kalendari

Ngjarjet e datës 2 Prill 2020

- Presidenti i Kosovës, Hashim Thaçi, pret në takim kryetarin e AAK-së, Ramush Haradinaj, për t’u konsultuar lidhur me formimin e Qeverisë së re, ose shkuarjen në zgjedhje. (Zyra e Presidentit, ora 10:00) 

- Presidenti i Kosovës, Hashim Thaçi, pret në takim kryetarin e Listës Serbe, Goran Rakiq. (Zyra e Presidentit, ora 10:30) 

- Presidenti i Kosovës, Hashim Thaçi, pret në takim kryetarin e Nismës, Fatmir Limaj. (Zyra e Presidentit, ora 11:00) 

- Presidenti i Kosovës, Hashim Thaçi, pret në takim përfaqësuesit e Grupit Parlamentar 6 Plus. (Zyra e Presidentit, ora 11:30)