05 Qershor 2020

LVV dërgon në Kushtetuese thirrjen për moszbatim te vendimit te Qeverisë nga Presidenti

Prishtinë, 31 mars - Lëvizja Vetëvendosje (LVV) ka dorëzuar sot në Gjykatën Kushtetuese kërkesën për vlerësimin e kushtetutshmërisë së veprimit të Presidentit të Republikës së Kosovës, të datës 23 mars 2020 ku përmes konferencës për media bëri thirrje për mosrespektim dhe moszbatim të vendimit të Qeverisë së Republikës së Kosovës.

"Sapo dorëzuam në Gjykatën Kushtetuese kërkesën për vlerësimin e kushtetutshmërisë së veprimit të Presidentit të Republikës së Kosovës, të datës 23 mars 2020, të shprehur përmes konferencës për media. Presidenti bëri thirrje për mosrespektim dhe moszbatim të vendimit të Qeverisë së Republikës së Kosovës", ka thënë Nënkryetarja së Kuvendit. znj Arbërie Nagavci.

Ajo ka deklaruar se Presidenti i vendit vazhdimisht ka promovuar dhe ka shkaktuar shkelje të ndryshme ligjore dhe kushtetuese.

"Jo rrallë herë nga pozita të ndryshme në institucionet e vendit ai ka qenë autor dhe nxitës i veprimeve antikushtetuese, uzurpimit të kompetencave dhe shpërfilljes së legjislacionit e madje dhe ndarjes së pushteteve", ka vleresuar Nagavci.

Nuk është hera e parë pra që sipas saj Presidenti nxit dhe vepron në kundërshtim me frymën kushtetuese dhe normat ligjore.

"Këtë herë ai kreu shkelje serioze të aktit më të lartë, Kushtetutës së vendit duke bërë thirrje për moszbatim të vendimeve të Qeverisë së Republikës së Kosovës".

"Është detyra jonë si deputetë të Kuvendit të Republikës së Kosovës që të adresojmë shkeljet e Presidentit të Republikës veçanërisht në këtë kohë të vështirë të përballjes me pandeminë dhe kur Qeveria e vendit është duke bërë çmos që të parandalojë përhapjen e COVID-19."

"Ndaj sot dorëzuam në Gjykatën kushtetuese këtë kërkesë, pra për shkeljen serioze të Kushtetutës nga ana e Presidentit në thirrjen e paprecedentë për rezistencë, duke kërkuar moszbatimin e vendimit të qeverisë nga organet ligjzbatuese dhe nga qytetarët e vendit", ka theksuar Nagavci.

Kalendari

Ngjarjet e datës 5 Qershor 2020 - Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 12:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)

- Kryeministri Avdullah Hoti pret në takim ambasadorin e Shteteve të Bashkuara të Amerikës në Kosovë, Philip Kosnett. (Ndërtesa e Qeverisë, ora 15:45 - vetëm pamje)