22 Janar 2021

Lutfi Haziri pret ambasadorin e Hungarisë, Dr. József Bencze

Gjilan, 14 janar - Kryetari i Komunës së Gjilanit, Lutfi Haziri, ka pritur sot në takim ambasadorin e ri të Hungarisë në Kosovë, Dr. József Bencze.

Kryetari Haziri e ka falënderuar ambasadorin Bencze për vizitën, duke njoftuar se gjatë takimit kanë biseduar për disa aspekte të bashkëpunimit në të ardhmen.

“Ambasadori i shtetit mik, Hungarisë, z. Bencze e ka vizituar fillimisht Universitetin “Kadri Zeka”, në vitin e Kadri Zekës, duke na bërë nder të gjithëve, duke prezantuar programin për studentët për të studiuar në universitetet të Hungarisë. Unë e njoftova ambasadorin për zhvillimet pozitive në Gjilan. Besoj që do të takohemi shumë shpejt për t’i zhvilluar programet tona të përbashkëta në nivel komunal”, tha Haziri.

Ndërkaq, ambasadori i ri i Hungarisë në Kosovë, Dr. József Bencze, e ka falënderuar kryetarin Haziri për pritjen e ngrohtë, derisa konfirmoi se kanë bashkëbiseduar për bashkëpunimin në disa programe, në aspektin ekonomik, të edukimit e të kulturës.

 

Kalendari

Ngjarjet e datës 22 Dhjetor 2020 - Kryeministri në detyrë Avdullah Hoti bashkë me përfaqësuesit e SBASHK-ut, mban konferencë për media. (Ndërtesa e Qeverisë, ora 9:00)

- Mbahet seanca gjyqësore ndaj Ibrahim Mustafes për peqpërdorimi i pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)

- Nën patronatin e Kryeprokurorit të Shtetit, Aleksandër Lumezi do të mbahet konferenca vjetore e Prokurorëve, e cila këtë vit për shkak të situatës me pandeminë Covid-19, organizohet në formë virtuale. (Platforma “Zoom”, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Urbanizmit dhe Planifikimit Hapësinor, Beni Kizolli do të mbajnë konferencë për shtyp. (Shtëpia e Bardhë, ora 10:00)

- Komuna e Skenderajt së bashku me shoqatat e dala nga lufta e UÇK-së, për nder të 23 vjetorit të triumfit të familjes Jashari ndaj sulmit të dytë të forcave serbe, do të bëjnë homazhe në shenjë nderimi për heroizmin e jashtëzakonshëm të familjes Jashari. (Kompleksi Memorial “Adem Jashari”, në Prekaz, ora 10:00)

- Kryetari i komunës Xhafer Tahiri, prezanton Planin për Rimëkëmbje Ekonomike të Vushtrrisë. (Ndërtesa e komunës, ora 11:00)