09 Korrik 2020

LDD: Hyrja e udhëheqësve serb në Kosovë, destabilizon vendin

Prishtinë, 24 maj - Nën udhëheqjen e kryetarit të LDD-së akademik Nexhat Daci u mbajt takimi i rregullt i kryesisë së Lidhjes Demokratike të Dardanisë, ku u diskutua lidhur me operacionalizimin e detyrave të sektorëve në kuadër të partisë.

Ndarja e detyrave për bartësit e resorëve të LDD-së është bërë ditë më parë mbi bazën e përvojës dhe profesionalizmit, në mënyrë që avancimi profesional të jetë i dukshëm dhe konkret në krijimin e politikave.
 
LDD në kuadër të aktualitetit politik në vend, shprehu qartë qëndrimin e saj, se nuk mbështetë në asnjë mënyrë tjetërsimin e aseteve të Republikës së Kosovës në mënyrë të paligjshme dhe në kundërshtim me kushtetutën e vendit.
 
Lidhja Demokratike e Dardanisë po ashtu shprehu shqetësimin e saj në këtë takim, lidhur me ardhjen e udhëheqësve të Serbisë në Republikën e Kosovës, vizita të cilat kanë qëllime politike për të destabilizuar situatën në vend.

Andaj, LDD kërkoi nga institucionet e vendit që të respektohet ligjshmëria dhe kushtetutshmëria  për të gjitha proceset.

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)