09 Korrik 2020

LDD: deklaratat e qeverisjes janë demagogji e thjeshtë

Prishtinë, 25 qershor - Kryetarët e Degëve të Lidhjes Demokratike të Dardanisë dhe anëtarët e Kryesisë së LDD janë informuar sot në mbledhjen e rregullte dyjavore lidhur me aktivitetet e partisë dhe kanë vlerësuar gjendjen aktuale në vend.

Me këtë rast nënkryetari i Lidhjes Demokratike të Dardanisë, Lulzim Zeneli ka informuar se LDD  vlerëson se deklaratat e qeverisjes aktuale se ata do të luftojnë korrupsionin janë demagogji e thjeshtë dhe asgjë më tepër.

Me këtë rast Zeneli theksoi se pushteti aktual PDK-LDK, sikur të ketë vullnet politik dhe guxim për ta luftuar korrupsionin dhe krimin e organizuar, do të kishim veprime dhe rezultate. Andaj deklarimet se qeverisje aktuale do ti prin luftës kundër krimit të organizuar dhe korrupsionit në kohen kur kjo qeverisje PDK-LDK është zhytur skajshmërish në krim financiar dhe  korrupsion, nuk janë gjë tjetër përpos demagogji.

 Ai ka vlerësuar së në Kosovë ka më tepër se dy vite e gjysmë, që pushteti aktual ka ndërtuar retorikë kundër korrupsionit, ka dy  vite e gjysmë që përdoret një gjuhë e ashpër kundër krimit ekonomik, dhe në këtë plan lirishtë mund të themi se kësaj gjuhe fatkeqësisht iu bashkua edhe Eulex-i, por mungojnë rezultatet konkrete, kështu që dalja me deklarata e zyrtarëve të Eulex-it për arrestimin e peshqve të mëdhenj dhe mungesa e rezultateve në praktik bënë që lufta kundër krimit të organizuar dhe korrupsionit të banalizohet.

“LDD rithekson se sundimi i ligjit nuk arrihet me deklarata publike dhe me distancim nga qeverisja e korruptuar dhe këtë duhet ta dijë edhe ICO dhe EULEX-i,  ata të cilët kanë ardhur të ftuar nga Institucionet e Kosovës për të vendosur rend dhe ligj”, tha nënkryetari Zeneli.

Kryetaret e Degëve te LDD u informuan për vizitën e delegacionit të LDD të kryesuar nga akademik Nexhat Daci në Shqipëri.

Me këtë rast u theksua se pritja e delegacionit te LDD-së nga krerët institucional ishte e veçantë dhe mbresëlënës.

 U theksua se takimet me presidentin Bamir Topi, kryeparlamentaren Jozefina Topalli, kryeministrin Sali Berisha  dhe ne Ministrinë e Punëve te Jashtme te Shqipërisë janë kontribut në zhvillimin e mëtejmë të marrëdhënieve në mes të Kosovës dhe Shqipërisë dhe edhe me këtë rast u ritheksua kontributin shumë i madh të Shqipërisë në aktivitetet diplomatike në procesin e njohjes së Kosovës.

Kryetarët e Degëve të LDD u informuan se Konventat Zgjedhore të Forumit të Rinisë dhe Forumit të Gruas së LDD e janë për nga organizimi i jashtëzakonshëm dhe rrjedha demokratike dhe transparente.

Në mbledhjen e sotme mori pjesë edhe kryetari i Degës së LDD-së për Gjermani, Qemajl Kryeziu i cili informoi lidhur me mbledhjen zgjedhore te Degës së LDD në Gjermani.

 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)