02 Mars 2021

Lansohet Platforma e Hartës së Zgjedhjeve në Kosovë

Prishtinë, 8 dhjetor - Sot, Instituti Republikan Ndërkombëtar (IRI) dhe Demokraci Plus (D+) lansuan Platformën e Hartës së Zgjedhjeve në Kosovë - Zgjedhjet e Kosovës të paraqitura vizualisht.

Platforma e Hartës së Zgjedhjeve në Kosovë (Platforma) është e vetmja platformë online në Kosovë që në mënyrë interaktive paraqet rezultatet zgjedhore për cikle të shumta zgjedhore.

Platforma përmbledh një grup të të dhënave, përfshirë pjesëmarrjen në zgjedhje, votat e partive politike dhe përqindjen e votave të pavlefshme, për zgjedhjet nacionale, komunale dhe ato për kryetarë komunash.

Platforma mundëson analizën e informatave në nivel të komunave, qendrave të votimit, e deri tek vendvotimet.
 
Në lansim të platformës morën pjesë përfaqësues të partive politike në Kosovë, anëtarë të Komisionit Qendror të Zgjedhjeve (KQZ), organizata të shoqërisë civile, media dhe akademia.
 
Gjatë fjalimit të tij hyrës Z. Paul McCarthy, drejtor rajonal për Evropë i IRI tha: “IRI e ka konsideruar si shumë të rëndësishme që të përkrah Demokraci Plus në përpjekjet e saj për të zgjeruar platformën. Ne besojmë që platforma mund tu ofroj subjekteve politike një mjet të rëndësishëm për të kuptuar performancën e tyre gjatë cikleve të ndryshme zgjedhore”.
 
Në anë tjetër, znj. Valdete Daka, Kryetare e KQZ-së, në mes tjerash tha: “Shpresojmë se kjo platformë të gjithë atyre që janë të interesuar do t'u lehtësohet mundësia e marrjes së informatave dhe për këtë i përgëzoj të gjithë ata që kanë marrë pjesë në bërjen të mundshme të kësaj platforme. Në këtë kontekst, do të jemi të hapur që në të ardhmen të japim të gjitha informatata që kërkohen nga ne”.
 
Albert Krasniqi, nga Demokraci Plus theksoi që: “Besojmë se platforma është një mundësi e mirë për vetë partitë politike që të kuptojnë se cfarë ka ndodhur në zgjedhjet e kaluara dhe kështu të mund të përmirësojnë performancën e tyre në zgjedhjet e ardhshme, për mediat që të mund të pasurojnë artikujt e tyre, por edhe për vetë studiuesit që të mund të bëjnë hulumtime duke pasur me bollëk të dhëna”.
 
Platforma është një mjet i avancuar për partitë politike, organizatat jo qeveritare, hulumtuesit dhe palët e tjera të interesuara që në mënyrë të lehtë të shohin se si kanë performuar kandidatët nëpër komuna dhe cikle të ndryshme zgjedhore në Kosovë, por po ashtu për të identifikuar se ku duhet të ketë përmirësime në procesin e votimit, qoftë përmes rritjes së daljes në votime apo uljen e përqindjes së votave të pavlefshme.

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)