Prishtinë, 3 maj - Kuvendi i Republikës së Kosovës do te mbaj sot seancën plenare në të cilën përveq shqyrtimit te disa projektligjeve do të formojë Komisionin Hetimor Parlamentar në lidhje me shpenzimet për lobim nga ana e Presidencës dhe Qeverisë të Republikës së Kosovës.

Në seancën e sotme Kuvendi do të bëj shqyrtimin e Projektligjit për Ratifikimin e Traktatit ndërmjet Republikës së Kosovës dhe Hungarisë për Ekstradim, shqyrtimin e parë te Projektligjit për përgjegjësinë disiplinore të gjyqtarëve dhe prokurorëve dhe shqyrtimin e parë te Projektligjit për Amnistinë.

Gjatë kësaj seance pritet edhe emërimi i Drejtorit dhe zëvendësdrejtorit të Sekretariatit Ekzekutiv të Agjencisë për Krahasim dhe Verifikim të Pronës si dhe formimi i Komisionit Ad-hoc për përzgjedhjen e kandidatëve për (1) një anëtar të Bordit të Radiotelevizionit të Kosovës nga komuniteti shqiptar.

Po ashtu pritet te shqyrtohet edhe propozimi i Grupit Parlamentar të Lëvizjes Vetëvendosje për shkarkimin e nënkryetares së Kuvendit, znj. Aida Dërguti.10.