28 Mars 2024

Kuvendi mban sot debat në lidhje me mos liberalizimi i vizave nga BE-ja

Prishtinë, 21 korrik - Kuvendi i Republikës së Kosovës do të mbajë sot seancën plenare të radhës.

Fillimisht në vazhdimin e seancës pritet të trajtohen pikat e mbetura nga seancat e kaluara, për të vijuar më pas me seancën e re.

Pas deklarimeve jashtë rendit të ditës dhe pyetjeve parlamentare, Kuvendi do të shqyrtojë disa projektligje, raporte vjetore, vendime dhe të zhvillojë një debat parlamentar.

Kështu, në lexim të dytë do të shqyrtohen Projektligji për produktet biocide dhe ai për ushqimin. Nga raportet e institucioneve të pavarura për vitin 2021, do të shqyrtohet ai i Agjencisë për Informim dhe Privatësi dhe raporti i Ndërmarrjes Publike Operatori i Sistemit, Transmisionit dhe Tregut – KOSTT Sh.a.

Seanca do të vijojë me shqyrtimin e Vendimit të Qeverisë së Republikës së Kosovës nr. 12/84, datë 22 qershor 2022 për hartimin e Planit Hapësinor të Kosovës dhe atij për hartimin e Planit Hapësinor për Parkun Kombëtar “Sharri”.

Ratifikimi i anëtarit të Këshillit Shtetëror të Cilësisë të Agjencisë Kosovare të Akreditimit, do të jetë pikë e radhës, për të vijuar me debatin parlamentar në lidhje me mos liberalizimi i vizave nga BE-ja për Kosovën.

Në këtë seancë Kuvendi do të shqyrtojë edhe mocionin përmbajtësor të GP të Vetëvendosjes për adresimin e rezolutës për ndërmarrjen e masave nga ana e qeverisë për ballafaqimin me rritjen e çmimeve.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)