12 Prill 2021

Kryeministri Thaçi ngushëlloi kryeministrin turk Tayip Erdoğan

Prishtinë, 8 mars - Kryeministri i Republikës së Kosovës, Hashim Thaçi i ka dërguar një telegram ngushëllimi kryeministrit të Republikës së Turqisë, Recep Tayip Erdoğan, me rastin e tërmetit, që ka goditur një pjesë të Turqisë dhe në të cilin kanë humbur jetët shumë qytetarë të Turqisë.

Në telegram thuhet:

I nderuari kryeministër,

Me dhembje të madhe e morëm lajmin për humbjen tragjike të jetëve të qytetarëve turq në tërmetin, që ka goditur pjesë të vendit tuaj.

Në këto momente të vështira, ju lutem pranoni ngushëllimet më të thella në emrin tim dhe në emër të Qeverisë së Republikës së Kosovës.

Populli dhe Qeveria e Republikës së Turqisë ka qenë në vazhdimësi në mbështetje të popullit dhe të vendit tonë, edhe në kohët më të vështira, edhe në periudhën e shtetndërtimit dhe zhvillimit.

Populli i Republikës së Kosovës dhe qeveria që drejtoj unë, bashkëndjen dhembjen me ju, me qeverinë tuaj dhe me gjithë qytetarët e Turqisë.
 

Hashim Thaçi,

Kryeministër i Republikës së Kosovës

 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)