23 Shkurt 2019

Kryeministri Haradinaj: Britania e Madhe ka rol të rëndësishëm për vendin

Prishtinë, 4 korrik - “Kosova është e përkushtuar që të intensifikojë bashkëpunimin bilateral me Britaninë e Madhe, në fushën politike dhe atë ekonomike”, kështu tha Kryeministri i Republikës së Kosovës, Ramush Haradinaj, pasi priti në takim, Richard Moore, drejtor i Përgjithshëm për Çështje Politike në Ministrinë e Jashtme të Mbretërisë së Bashkuar.

Gjatë takimit, kryeministri Haradinaj e informoi z. Moore, për progresin e Kosovës, prioritetet e Qeverisë, agjendën integruese të Kosovës dhe përkushtimin e Qeverisë në luftën kundër korrupsionit dhe krimit të organizuar, për zhvillimin ekonomik dhe çështjet jetike për përmirësimin e jetës së qytetarëve.

Kryeministri Haradinaj ka falënderuar Britaninë e Madhe për mbështetjen e vazhdueshme që i ka dhënë dhe vazhdon t’i jap Kosovës në shumë fusha në të gjitha etapat e shtetndërtimit të saj, duke kërkuar mbështetjen e mëtejme për proceset nëpër të cilat po kalon Kosova, anëtarësimin në organizatat ndërkombëtare dhe fuqizimin e subjektiviteti ndërkombëtarë të Kosovës.

“Ndihma dhe angazhimi i Britanisë së Madhe është i nevojshëm në Kosovë dhe ky partneritet duhet të avancohet edhe në fusha të tjera, në interes për të dyja vendet”, tha kryeministri Haradinaj.

Ndërkaq, drejtori i Përgjithshëm për Çështje Politike, Richard Moore, vlerësoi progresin e Kosovës, duke thënë se Mbretëria e Bashkuar do të vazhdojë angazhimin e saj në Kosovë, duke e mbështetur vendin në procese të rëndësishme dhe në rrugën evropiane.

Në këtë takim u bisedua edhe për përgatitjet e Kosovës për pjesëmarrje në Samitin e Londrës, i cili do të mbahet javën që vjen dhe ku Kosova do të përfaqësohet nga Kryeministri Ramush Haradinaj. 

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)