06 Qershor 2020

KQZ shpall rezultatet përfundimtare të zgjedhjeve, Nisma nuk e kalon pragun

Prishtinë, 7 nëntor - Komisioni Qendror i Zgjedhjeve (KQZ) sot ka publikuar rezultatet përfundimtare të zgjedhjeve të 6 tetorit e cila do t’i hapë rrugë krijimit të institucioneve të reja.

Kryetarja e Komisionit Qendror të Zgjedhjeve, Valdete Daka, ka thënë se pjesëmarrja në zgjedhje ka qenë 44.72%.

Daka ka njoftuar se në bazë të rezultateve, Lëvizja Vetëvendosje, ka marrë 26.12 për qind të votave, Lidhja Demokratike e Kosovës 24.45 për qind, Partia Demokratike e Kosovës 21.16 për qind, Aleanca për Ardhmërinë e Kosovës në koalicion me Partinë Socialdemokrate ka marrë 11.47 për qind, Lista Serbe 6.74 për qind të votave dhe Nisma Socialdemokrate 4.98 për qind.

Bazuar në numrin e votave të fituara, Lëvizja Vetëvendosje do të ketë 32 deputetë në Kuvendin e Kosovës, LDK-ja 29, PDK-ja, 25 deputetë, koalicioni AAK-PSD, 14, Lista Serbe 10 deputetë, si dhe 10 vende kanë fituar së bashku të gjitha partitë e minoriteteve.

Pas përfundimit të afatit prej 24 orësh për ankesa, ky Komision do ta bëjë certifikimin e rezultateve.

 

Kalendari

Ngjarjet e datës 6 Qershor 2020

- Mbahet mbledhja e Qeverisë së Kosovës. (Ndërtesa e Qeverisë, ora 10:00)

- Ministria e Infrastrukturës ndalon qarkullimin e automjeteve në segmentin “Konjuh-Babush” autoudha “Arbën Xhaferi”, në të dy drejtimet e lëvizjes për shkak të zhvillimit të punimeve. (Segmenti “Konjuh-Babush” autoudha “Arbën Xhaferi”, ora 10:00)