17 Korrik 2018

KQZ miratoi planin për ditën e zgjedhjeve të raundit të dytë

Prishtinë, 14 nëntor - Komisioni Qendror i Zgjedhjeve mbajti mbledhjen e radhës të kryesuar nga kryetarja e KQZ-së, Valdete Daka.

Në këtë mbledhje, Komisioni Qendror i Zgjedhjeve mori vendim për rinumërimin e plotë të 440 Vendvotimeve nga komuna të ndryshme të Kosovës.

Rinumërimi ka të bëjë me Zgjedhjet për Kuvende Komunale dhe vjen pas vendimeve të Panelit Zgjedhor për Ankesa dhe Parashtresa për rinumërim të këtyre Vendvotimeve. 

Po ashtu, në këtë mbledhje Kryeshefi Ekzekutiv i Sekretariatit të KQZ-së, Enis Halimi paraqiti një raport të ecurisë së përgatitjeve të raundit të dytë të Zgjedhjeve për Kryetar që do të mbahet në 19 komuna.

Ai bëri të ditur se është duke vazhduar operacioni i jashtë Kosovës, ku kanë të drejtë vote 6 mijë e 847 votues. 

Halimi njoftoi edhe lidhur me përgatitjet që janë duke u bërë që Personave me Nevoja dhe Rrethana të Veçanta t’u mundësohet të votojnë përmes ekipeve mobile lëvizëse në Ditën e Zgjedhjeve.

Numri i përgjithshëm i votuesve nga kjo kategori është: 2 mijë e 16 votues.

Në pikën tjetër të rendit të ditës, Komisioni Qendror i Zgjedhjeve miratoi Planin për Ditën e Zgjedhjeve të raundit të dytë si dhe emëroi Këshillat e Vendvotimit në komunën e Parteshit ku do të mbahet rivotimi për kryetar komune në të njëjtën ditë. 

Kalendari

Ngjarjet e datës 17 Korrik 2018 - Përkujtohet 20 vjetori i rëniës se dëshmorëve të Ushtrisë Çlirimtare të Kosovës, Bashkim Kerolli dhe Adem Ademi. Te vendi i quajtur Rrasa e Zogut të kufiri Shqipëri - Kosovë, ora 10:00 - nisja behet nga fshati Polac, ora 8:00) 

- Mbahet mbledhja e Komisionit për Administratë Publike, Qeverisje Lokale dhe Media në të cilën do të shqyrtohet projektligji për lirinë e asociimit në Organizata Joqeveritare. (Ndërtesa e Kuvendit, salla N 225, ora 10:00)

- Mbahet ceremonia e inaugurimit te impiantit të trajtimit të ujërave të zeza në fshatin Mramor. (Bregu lindor i Liqenit të Badocit pranë fshatit Mramor, ora 10:00)

- Kryeministri Ramush Haradinaj pret në takim përfaqësues të projektit të GIZ-it gjerman dhe nxënës nënshkrues të peticionit për ngritjen e kapaciteteve në arsim. (Ndërtesa e Qeverisë, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të shqyrtohet projektligji për Produkte të Ndërtimi. (Ndërtesa e Kuvendit, salla N 10, ora 11:00)

- Oda Ekonomike e Kosvës organizon takim me delegacionin e organizatës prestigjioze “The Heritage Foundation”. (Objekti i Odës Ekonomike të Kosovës, ora 14:00)

- Zyra e Bashkimit Evropian në Kosovë/BE, së bashku me Këshillin Gjyqësor të Kosovës, do të fillojë zyrtarisht procesin e digjitalizimit të shënimeve të dënimeve të vjetra në tërë Kosovën. (Hotel Swiss Diamond, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Kryeministri Ramush Haradinaj merr pjesë në ceremoninë e nënshkrimit, me rastin e blerjes së automjeteve multi funksionale ushtarake të lëvizshmërisë së lartë nga Qeveria e Kosovës për Forcën e Sigurisë së Kosovës. (Kazerma Adem Jashari në Prishtinë, ora 16:00)