11 Korrik 2020

KQZ: Haki Rugova fitoi në Istog

Prishtinë, 10 maj - Komisioni Qendror i Zgjedhjeve ka publikuar rezultatet preliminare të garës së balotazhit për kryetar të Istogut, sipas të cilës kandidati i Lidhjes Demokratike të Kosovës, Haki Rugova ka fituar me 76 për qind të votave kundrejt kandidatit të Partisë Demokratike të Kosovës Shasivar Haxhiaj, i cili mori 24 për qind të votave.

Paraprakisht, një rezultat të ngjashëm kishte publikuar edhe koalicioni i organizatave joqeveritare Demokracia në Veprim.

Pjesëmarrja në balotazhin për kryetar të Istogut u tha se ishte diku në mbi 29 për qind, nga një trup prej 39 mijë qytetarëve të kësaj komune me të drejtë vote.

Fitoren e Haki Rugovës e ka shpallur edhe Demokracia në Veprim në një konferencë për media. Sipas Demokracisë në Veprim, Haki Rugova ka fituar 8 406 vota, ose 76.1 për qind, ndërsa Shasivar Haxhiaj 2 643 vota ose 23.9 për qind.

Në listën e votuesve kanë qenë të përfshirë 39 703 votues, nga të cilët të drejtën e tyre për votim sot e kanë shfrytëzuar vetëm 11 mijë e 409 votues, ose rreth 30 për qind.

Haki Rugova ka falënderuar qytetarët për besimin e dhënë, për zgjedhje fer e demokratike, si dhe është zotuar se do të punojë për të mirën e të gjithë qytetarëve të komunës së Istogut.

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)