21 Janar 2021

KQZ e gatshme për organizimin e zgjedhjeve

Prishtinë, 1 tetor - Ushtruesi i detyrës së Presidentit të Republikës së Kosovës, dr. Jakup Krasniqi u takua sot  me kryetaren e KQZ-së, znj. Valdete Daka si dhe me kryeshefin e Sekretariatit të KQZ-së, Xhemajl Peçani.

Gjatë takimit, kryetarja e KQZ-së theksoi se KQZ është e gatshme teknikisht për organizimin e zgjedhjeve nëse do të kërkohet.

Duke folur për sfidat me të cilat do të përballet KQZ, në rast të kërkesës për organizmin e zgjedhjeve të jashtëzakonshme brenda 45 ditës, znj. Daka kërkoi nga UD i Presidentit të Republikës, dr Jakup Krasniqi mirëkuptim dhe se për të siguruar një proces ferë, të lirë dhe transparent, sipas saj duhet të plotësohen  disa kushte që kanë të bëjnë me sigurimin e buxhetit në kohën e duhur, përkrahje logjistike, çështje që kanë të bëjnë me listat e votuesve, informimi publik,  çështja e votimit jashtë vendi dhe përkrahja e faktorit ndërkombëtar.

Ndërkaq, në lidhje me procesin zgjedhor në Komunën e Rahovecit, ajo theksoi se KQZ është e gatshme për t’i organizuar ato brenda 45 ditësh nëse do të kërkohej.

UD i Presidentit të Republikës së Kosovës, dr. Jakup Krasniqi e falënderoi znj Daka për informacionet dhe theksoi se konsultimet për këto tema do të vazhdojmë.

 

Kalendari

Ngjarjet e datës 21 Dhjetor 2020 - Kryeministri në detyrë Avdullah Hoti zhvillon homazhe te varri i ish presidentit Ibrahim Rugova. (Velani, ora 10:00)

- Kryesia e Lidhjes Demokratike te Kosovës bën homazhe te varri i Presidentit Historik të Kosovës, Dr. Ibrahim Rugova, me rastin e 15 vjetorit të vdekjes së tij. (Velani, ora 10:00)

- Mbahet mbledhja e parë e Komiteti për Politik dhe Financa në Komunën e Rahovecit. (Objekti i ri i administratës komunale të Rahovecit, ora 10:00)

- Mbahet seanca gjyqësore ndaj zyrtaritt te Drejtorisë për Migrim dhe të Huaj, Maxhun Maloku për keqpërdorim te pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)
 
- Kryeministri në detyrë Avdullah Hoti merr pjesë në fillimin e punimeve në zgjerimin e rrugës në hyrje të qytetit të Ferizajt. (Ura afër fshatit Bibaj, ora 11:00)

- Ambasadorja suedeze, Karin Hernmarck, dhe Ushtruesi i Detyrës së Shefit të Misionit të OSBE-së në Kosovë, Kilian Wahl, do të organizojnë një konferencë për shtyp në Prishtinë për t’i prezantuar prioritetet e Kryesimit suedez të OSBE-së për vitin 2021. (Hotel Sirius, ora 11:00)

- Kryetarja e KQZ-së, znj. Valdete Daka do të mbajë konferencë për media. (Selia e KQZ, ora 12:00)

- Aleanca Kosovare e Bizneseve mban konferencën për media me temë ''14 kërkesat e AKB-se, bizneseve dhe konsumatoreve deri me 14 shkurt, kur edhe përfundojn zgjedhjet lidhur me rritjen e mirëqenies qytetare dhe pasurimin dhe implementimin e Ligjit për Rimëkëmbje Ekonomike për vitin 2021''.  (Salla e konferencave të AKB-së, ora 13:00)

 - Kryeministri në detyrë Avdullah Hoti merr pjesë në akademinë për ish presidentin Ibrahim Rugova. (Teatri i Gjilanit, ora 14:00)    

- PDK dega në Prizren, bën prezantimin e kandidatëve për deputetë, për zgjedhjet e jashtëzakonshme nacionale të 14 shkurtit 2021. (Restaurant ''Rexos'' në Lubizhdë, përballë stacionit të policisë, ora 19:00)