21 Janar 2020

Kosova nderon viktimat e sulmit terrorist të 11 shtatorit 2001 në SHBA

Prishtinë, 11 shtator - Republika e Kosovës organizon aktivitete të ndryshme në nderim viktimave të sulmit terrorist të 11 shtatorit 2001 që ka ndodhur në Shtetet e Bashkuara të Amerikës.

Fillimisht në oborrin e ndërtesës së Qeverisë, Kryeministri në detyrë Ramush Haradinaj bën homazhe dhe merr pjesë në zbulimin e obeliskut kushtuar viktimave të 11 shtatorit.

Me pas Komuna e Fushë Kosovës, Drejtoria për Arsim e kësaj komune, Policia e Kosovës, Qendra Kombëtare e Emergjencave, Zjarrfikësat janë pjesë e organizimit në nderim të këtyre viktimave.

Me vendim të drejtorit te Arsimit të kësaj komune Islam Shabani në të gjitha shkollat fillore e të mesme të Fushë Kosovës do të mbahet një ligjërat 10 minutëshe për këtë akt terrorist ndaj aleatit tonë SHBA-së.
 
Me pas në sheshin Bill Clinton në Prishtinë shoqatës "Miqtë e Amerikës" organizon larjen e Pllatosë te sheshi dhe vendosjen e flamurit të ri i cili do te vendoset me sinjalizime me drita e zë nga pjestarët e zjarrfikësave e Qendrës emergjente.

Ndërkaq Garda e Nderit e Policisë së Kosovës e ulë në gjysëm shtizë flamurin amerikan.

Si pjesë e këtyre aktivitetve do të behët edhe ndezja e qirinjëve para emrave të viktimave si dhe hapja e ekspozitës me fotografi.

Ndërsa pasdite kryetari i shoqatës "Miqtë e Amerikës", e disa aktivistë do të shkojnë të dhurojnë  gjak në aktivitetin në nderim të kësaj date që e organizon Ambasada Amerikane në Shkup.

Kalendari

Ngjarjet e datës 22 janar 2020

- Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)