29 Shkurt 2020

Kosova mund të llogaris në Belgjikën si një shtet mik e përkrahës

Prishtinë 14 shkurt - Ministri i Integrimit Evropian, Blerim Reka priti sot në takim Udhëheqësin e Misionit të Mbretërisë së Begjikës në Kosovë, Jean - Louis Servais me të cilin bisedoi për perspektiven evropiane dhe procesin integrues të Kosovës në BE.

Ministri Reka kërkoi nga Belgjika të mbështesë përshpejtimin e liberalizimit të vizave, sepse siç tha është e pakuptimtë që Kosova të mbetet ishull i izoluar, përderisa, disa shtete më të mëdha në Evropë kanë tash e sa vite regjim të lirë të vizave me BE-në.

Gjatë takimit Ministri Reka shpalosi prioritetet e Qeverisë Kurti në fushat të cilat janë pjesë e reformave, në funksion të avancimit të agjendës evropiane të Kosovës.

Gjithashtu, Ministri Reka kërkoi nga Qeveria e Belgjikës ekspertizë në ngritjen e kapaciteteve profesionale në fushën e integrimit Evropian.

Në aspektin bilateral u rikonfirmuan marrëdhëniet e shkëlqyeshme midis dy shteteve dhe njëherit diplomati i lartë belg e rikonfirmoi edhe njëherë se në Mbretërinë e Belgjikës Kosova mund të llogaris në te si një shtet mik e përkrahës i saj. 

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)