26 Maj 2020

Kosova me liberalizim të vizave në fund të vitit

Londër, 18 prill - Bashkimi Evropian (BE) po e përgatit mbajtjen e kësaj konference në nivel të lartë, më 2 qershor në Sarajevë, e në tubim do të marrë pjesë edhe Kosova, edhe krahas kundërshtimeve të Beogradit zyrtar, ndonëse vendimi se në cilin format do të mbahet takimi ende nuk është marrë.

Përfaqësuesi i lartë ndërkombëtar në BeH, Valentin Incko citohet të ketë theksuar se në Sarajevë ekzistojnë pritje të mëdha se në atë takim BE me siguri do të paralajmërojë liberalizimin e vizave për qytetarët e BeH.

Mirëpo një deputet i njohur i Parlamentit Evropian i cili këto ditë po qëndron në Beograd, tha për Radio Televizionin e Kosovës, në cilësi anonimiteti, se vendimi për liberalizimin e vizave do të merret në takimin e Sarajevës edhe për qytetarët e Shqipërisë kurse hyrja e tij në fuqi do të nis nga fundi i dhjetorit, respektivisht në prag të Krishtlindjeve.

Ky funksionar i lartë tha se për momentin janë duke u zhvilluar bisedimet intensive që me liberalizim të përfshihen edhe qytetarët e Kosovës, dhe për këtë janë duke u kërkuar modalitetet përkatëse.

Ai thotë se tash më është e sigurt se edhe Kosova do të përfshihet në Listën e bardhë të Shengenit, dhe qytetarët e saj do të mund të udhëtojnë pa viza gjithashtu kur edhe qytetarët e Shqipërisë dhe të BeH?

Liberalizimin e vizave për tri shtetet tjera të Ballkanit Perëndimor – Shqipërisë, BeH e kanë paralajmëruar para ca dite në Sarajevë edhe ministri i Jashtëm i Spanjës Migel Anhel Moratinos, dhr zv/sekretari amerikan i shtetit Xhejms Stajnberg.

Ndërkaq raportuesja e Parlamentit Evropian Tanja Fajon ka thënë rreth liberalizimit të vizave për vendet e Ballkanit Perëndimor se ai është i mundshëm në korrik por data nga perspektiva e tashme është tepër optimiste.

Ajo ka thënë se arsyeja për shtyrjen e mundshme të vendimit të liberalizimit të regjimit të vizave qëndron në faktin se do të ketë ngecje në procedurën e liberalizimit nga ana e Komisionit Evropian, duke mos sqaruar se për çfarë ngecjes është fjala.

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)