26 Shtator 2020

Komuna e Rahovecit binjakëzohet me dy komuna Italiane, Frascineto dhe Civita

Rahovec, 23 shtator - Kryetari i komunës së Rahovecit, Smajl Latifi ka nënshkruar sot dy deklarata që kanë të bëjnë me binjakëzimin e komunës së Rahovecit me dy komuna të Italisë, Frascineto dhe Civita. Në ceremoninë e nënshkrimit të pranishëm ishin Angelo Catapano Komuna Frascineto, Alessandro Tocci komuna Civita dhe Ministrja e Ministrisë së Administrimit të Pushtetit Lokal, Adriana Hociq.

Në dokumentin e nënshkruar në mes të komunës së Rahovecit dhe dy komunave Italiane, Frascineto dhe Civita thuhet se palët nënshkruese të Deklaratës do të hulumtojnë dhe harmonizojnë marrëdhëniet të ndryshme ekonomike si dhe mundësinë e bashkëpunimit në fushën e zhvillimit rajonal dhe rural, në ekonomi, bujqësi, programe, fonde dhe projekte të BE-së, turizëm, kulturë, sport , arsim, shkencë, dhe fusha tjera për të cilën palët nënshkruese mund të shprehin interesimin e tyre dhe të krijojnë kushte për thellimin e mbështetjes së marrëdhënieve miqësore të administratës rajonale, vendbanimeve dhe vetëqeverisjes lokale në të dy anët.

Poashtu në Deklaratën e nënshkruar thuhet se palët nënshkruese do të fillojnë elaborim të hollësishëm të përmbajtjes së Marrëveshjes së Bashkëpunimit, e  cila në pajtim me ligjin e brendshëm të secilës palë, do të miratohet nga autoritetet kompetente të palëve nënshkruese të kësaj Deklarate.

Kalendari

Ngjarjet e datës 26 Shtator 2020

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Platforma Bashkë-krijuese GërrGërr organizon ditën e dytë të programit, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Mbahet nata e dytë e edicionit të festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)