12 Prill 2021

Kolegji i Kirurgëve përshëndur kompletimin e institucioneve të Kosovës

Prishtinë, 6 prill - Kolegji i Kirurgëve të Kosovës ka përshëndur krijimin dhe kompletimin e institucioneve të Kosovës, si dhe uron udhëheqësinë e re për punën dhe detyrat e mëdha që e presin këtë qeveri dhe të gjithë neve.

Një nga sfidat kryesore me të cilat shteti i Kosovës duhet të merret është sektori i shëndetësisë, që është neglizhuar me dekada dhe gjendja e të cilit është rënduar edhe më tepër nga pandemia COVID-19.

Kolegji i Kirurgëve të Kosovës me më shumë se 850 anëtarë shpreh gatishmërinë e pakursyer që të bashkëpunojë dhe të ndihmojë drejt përmirësimit të gjendjes së sistemit shëndetësor në përgjithësi, dhe fushës së kirurgjisë në veçanti.

"Standardizimi i praktikës, protokollet e kujdesit kirurgjik dhe avancimi i agjendës klinike, shkencore dhe kërkimore të kirurgjisë në Kosovë, në mënyrë që të arrihen standardet botërore, janë prioritete të Kolegjit të Kirurgëve të Kosovës dhe obligim i secilit prej nesh kudo që jemi", ka deklaruar Kolegji i Kirurgëve.
 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)