20 Janar 2021

Kermabo vlerëson ndryshimet pozitive në Kosovë

Prishtinë, 12 -  Kryetari i Kuvendit të Republikës së Kosovës, dhe njëherësh ushtrues i detyrës së presidentit të Kosovës, Jakup Krasniqi, kishte sot një takim lamtumirës me shefin e EULEX-it, Iv De Kermabo.

Krasniqi e falënderoi Kermabo  për angazhimin që ka pasur  në Kosovë , jo vetëm si shef i EULEX-it , por edhe si komandant  i mëhershëm i KFOR-it, duke kontribuar aq shumë për sigurinë në Kosovë.

Pasi shprehu falënderimin për këtë pritje, Kermabo vlerësoi ndryshimet e mëdha që janë bërë në Kosovë, posaçërisht pas pavarësisë, si dhe rolin e EULEX-it në këto procese.

Në vijim Kermabo foli për përvojën e tij shumë përmbajtjesore gjatë ushtrimit të detyrave në Kosovë. Në këtë frymë ai theksoi se me emocione po ndahet nga Kosova, në të cilën ka kaluar një kohë të gjatë , qoftë si ushtarak , qoftë si shef i EULEX-it.

“Jam përpjekur gjithnjë për të mirën e këtij vendi dhe të qytetarëve dhe kam krijuar shumë miq këtu, ndaj edhe  Kosova mund të llogarisë në mua në një mik të saj. Për Kosovën do të angazhohem gjithnjë”, u shpreh Kermabo.


 

Kalendari

Ngjarjet e datës 20 Dhjetor 2020

- Mbahet seanca e parë gjyqësore me rastin e padisë për diskriminim të qytetarit me aftësi të kufizuar, Faruk Kukaj ndaj komunës së Prishtinës. (Gjykata Themelore e Prishtinës, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të bëjnë përurimin e sallës së edukatës fizike në shkollën “Dy Dëshmorët e Zhurit”. (Fshati Zhur, ora 10:00 - nisja nga Shtëpia e Bardhë, ora 9:20)

- Mbahet seanca gjyqësore ndaj të pandehurit Brahim Krusha për Keqpërdorimi seksual te personave nen moshën 16 vjeçare. (Gjykata Themelore në Ferizaj, Salla nr.II, ora 9:30)

- Shoqata "Miqtë e Amerikës" organizon me moton "E para SHBA-ja" ku do të festohet inaugurimi i Presidentit të 59 të SHBA-ve Joe Biden dhe zëvëndes Presidentës Kamala Harris. (Restauranti "Liburnia" në Prishtinë, ora 12:00)   

- Mbahet seanca gjyqësore ndaj të pandehurit Albert Ramadni për çështjen penale të vrasjes së rëndë. (Gjykata Themelore në Ferizaj, ora 9:30)

- Mbahet seanca për rastin e ish-drejtorit të Policisë, Rashit Qalaj. (Gjykata Themelore në Pallatinë e Drejtësisë, 13:30)

- Kryeministri në detyrë, Avdullah Hoti, viziton Qendrën Rekreative Sportive në Brezovicë. (Brezovicë, ora 14:00)

- Kryeministri në detyrë, Avdullah Hoti, takon bizneset e udhëhequra nga gratë në Komunën e Shtërpcës. (Hoteli “THE ROCK”, Shtërpcë, ora 16:00)