20 Qershor 2019

KE vazhdon mbështetjen për zbatimin e reformave të administratës publike

Prishtinë, 22 maj - Nën kryesimin e Ministrit të Administratës Publike z. Mahir Yagcilar dhe z. David Cullen, Shef i Njësisë për Kosovën dhe Maqedoninë e Veriut në Drejtorinë e Përgjithshme për Fqinjësi dhe Negocimet e Zgjerimit në Komision Evropian, është mbajtur takimi i radhës i Grupit të Veçantë për Reformën në Administratën Publike (GVRAP).

GVRAP është pjesë e strukturave të koordinimit të Marrëveshjes së Stabilizim-Asociimit dhe shërben si strukturë dialogu midis Qeverisë dhe BE-së dhe monitoron zbatimin e kërkesave të integrimit në BE lidhur me reformat e administratës publike. GVRAP zakonisht mblidhet dy herë në vit dhe nxjerr konkluzione dhe rekomandime.

Në hapje të takimit Ministri Yagcilar falënderoi Komisionin Evropian për mbështetjen e vazhdueshme në zbatimin e reformave të administratës publike. Për më tepër, Ministri theksoi disa nga zhvillimet kryesore në vitin 2018, duke filluar me përfundimin e procesit të zhvillimit të reformave gjithëpërfshirëse legjislative për administratën publike, përkatësisht Ligjin për Funksionimin dhe Organizimin e Administratës Shtetërore dhe Agjencive të Pavarura, Ligjin për Zyrtarët Publikë dhe Ligjin për Pagat në Sektorin Publik, që u miratuan në fillim të këtij viti nga Kuvendi i Kosovës. Me ndihmën e Komisionit Evropian ka filluar puna për të zhvilluar legjislacionin sekondar për tre ligjet. Ministri Yagcilar vuri në dukje se tre ligjet do të sjellin ndryshime të mëdha në administratën publike, duke përfshirë procedurat për rekrutimin dhe vlerësimin e performancës së nëpunësve civilë.

Në anën tjetë z. Cullen duke e vlerësuar pozitivisht angazhimin e Ministrit Yagcilar dhe Ministrisë në procesin e aprovimit të pakos legjislative të reformës së administratës publike, theksoj se të tre ligjet janë esenciale për Kosovën, dhe se progresi në këtë drejtim nuk mund të mohohet.

Ministri Yagcilar po ashtu e nënvizoi rëndësinë e procesit të racionalizimit të agjencive të pavarura. Ministri deklaroi se numri i lartë i agjencive të pavarura janë një barrë për buxhetin dhe frenojnë efektivitetin e ofrimit të shërbimeve për qytetarët. Ministri përsëriti angazhimin e qeverisë dhe përkrahjen e Kuvendit për të përfunduar me sukses procesin e racionalizimit, duke vënë në dukje se tashmë është miratuar plani i veprimit për racionalizim dhe Ministria po kryen konsultime të gjera për opsionet e racionalizimit. Në emër të Komisionit Evropian z. Cullen po ashtu përsëriti përkrahjen për procesin e racionalizimit të agjencive.

Z.Cullen tha se Komisioni mbetet e shqetësuar në aspektin e vendimeve të qeverisë lidhur me emërimet e lartë në sërbimin civil, si dhe e ritheksoi rëndësinë e stabilitetit makro fiskal.

 

Kalendari

Ngjarjet e datës 20 qershor 2019 - Organizata Inject- Iniciativa për Drejtësi dhe Barazi organizojn konferencën “Trajtimi Institucional i Rasteve të Dhunës në Familje”. (Hotel Emerald, ora 9:30)

- Open Data Kosovo organizon panelin e diskutimit me temën “Hapja e të Dhënave të Bizneseve dhe Kontributi i tyre në Zhvillimin Ekonomik të Kosovës”. (Hotel Sirius, ora 10:00)

- Universiteti ''Kadri Zeka'' në Gjilan në bashkëpunim me Oden e Avokatëve të Kosovës dhe aktivitetin e USAID-it Drejtësia Vlen, do të organizojë Orët për Ndihmë Juridike pa Pagesë, ku do të ofrohen shërbime juridike pa pagesë për qytetarët me nevojë. (Universiteti ''Kadri Zeka'', ora 10:00)

- Ministria e Punëve të Brendshme së bashku me Agjencinë e Kosovës për Forenzikë do të organizojë ceremoninë e pranimit të certifikatës së Ri-akreditimit të laborantëve. (Ambientet e Agjencisë së Kosovës për Forenzikë, ora 10:30)

- Anëtarët e Komisionit për Mbikëqyrje të Financave Publike, Avdullah Hoti dhe Driton Selmanaj nga Grupi Parlamentar i LDK-së mbajn konferencë për media. (Ndërtesa e Kuvendit, para sallës C301.  ora 10:30)

- Ministri i Inovacionit dhe Ndërmarrësisë, Besim Beqaj, do të mbajë konferencë për media. (Objekti i Ministrisë së Punëve të Jashtme, ora 11:00)

- Fushata për Zhvillimin e Qëndrueshëm Ekonomik në Kosovë bën shpalljen e finalistëve dhe fituesit të konkursit "Tregojeni mendjen tuaj afariste". (Shtëpia e Evropës, ora 11:00)

- Federata Sindikate e Telekomit të Kosovës mban konferencë për media lidhur me qendrimet rreth kontrates se Z-Mobile dhe hapave qe do të nderrmiren diteve në vijim. (Objekti Qendror i PTK-së në Dardani, ora 11:00)

- Mbahet seanca solemne me rastin e 20 Qershorit  Ditës së Çlirimit të Istogut. (Salla e Kuvendit Komunal, ora 11:00)

- Drejtori i Arsimit i Komunës së Gjilanit, Nazim Gagica mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Partia Socialdemokrate mban konferencë për media. (Zyrët qendrore në lagjen Arbëria, ora 11:30)

- Kryeministri Ramush Haradinaj pret në takim themeluesin e shoqatës bamirëse, “Jetimat e Ballkanit”, Halil Kastrati. (Ndërtesa e Qeverisë, ora 12:00)

- Me rastin e 20 Qershorit  Ditës së Çlirimit të Istogut bëhën homazhe dhe vendosje kurora lulesh tek Lapidari i Dëshmorëve në Istog. (Qendra e qytetit në Istog, ora 12:00)

- Mbahet ceremonia e përurimit të projektit të Adresave, ku do të marrin pjesë Kryetari i Komunës së Klinë, Prof. Dr. Zenun Elezaj, Ambasadori Norvegjez në Kosovë, Per Strand Sjaastad, zv. Ministri i Ministrisë së Mjedisit dhe Planifikimit Hapësinor, Gjergj Beka dhe Avni Ahmeti, Kryeshefi Ekzekutiv i Agjencisë Kadastrale  të Kosovës dhe qytetarë Klinas. (Oborri i Komunës së Klinës, ora 13:45)

- Ambasadori amerikan Philip Kosnett do të jetë prezent në përurimin e punëtorisë kreative të tipit “makerspace” në Komunën e Gjilanit, të financuar nga USAID-i. (Shkolla Xhavit Ahmeti në Gjilan, ora 14:15)

- Bëhet përurimi i qendrës së tretë të qëndrimit ditor për të moshuarit. (Lagjja Pejton, përballë Katedrales "Nëna Terezë", ora 15:00)

- Asociacioni i Gazetarëve të Kosovës do të mbajë tryezën e radhës me temën “Roli i medieve në raportimin e problemeve ndëretnike”. (Hotel Sirius, ora 16:30)

- Aksion për Nëna dhe Fëmijë do të bëj lansimin e Librit 'Ditari i Nënës' udhërrëfyesi për hapat e prindërimit, libër ky i shkruar nga Albiona Beselica Beha. (Libraria Dukagjini në sheshin Nënë Terezë, ora 17:00)

- Me rastin e 20 Qershorit  Ditës së Çlirimit të Istogut mbahet turniri në futboll të madh ku do të marrin pjesë ekipet nga komuna e Istogut, Klinës ,Deçanit dhe Pejës. (Fshati Banjë, ora 17:00)

- Kryeministri Ramush Haradinaj viziton komunitetin egjiptian në Fushë Kosovë, në kuadër të Javës së Egjiptianëve. (Amfiteatri përballë komunës së vjetër në Fushë Kosovë, ora 18:00)

- Me rastin e 20 Qershorit  Ditës së Çlirimit të Istogut mbahet programi festiv me këngë e valle. (Shtëpia e Kulturës në Istog, ora 18:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Tisa" nga Valter Lucaj dhe "Përtej Rrugës" nga Yll Çitaku. (Kino Armata, ora 20:00)