21 Janar 2021

KDI rekomandon lista të hapura në zgjedhje

Prishtinë, 10 tetor - Instituti Demokratik i Kosovës (KDI) ka organizuar tryezë të rrumbullakët me temën “Reforma në legjislacionin zgjedhor”, si dhe ka publikuar një analizë publike lidhur me këtë çështje. Analiza publike përmban elementet qenësore të reformimit të legjislacionit aktual zgjedhor.

Të pranishmit kanë vlerësuar se ky punim përmban kriteret bazë të një sistemi të avancuar demokratik zgjedhor, mirëpo është konstatuar se afati i shkurtër kohor dhe mungesa e  vullnetit politik, janë çështjet që po pengojnë implementimin e këtyre reformave.

Drejtori ekzekutiv i KDI-së, Ismet Kryeziu, njëkohësisht anëtar i grupit punues për zgjedhje, ka prezantuar para të pranishmëve analizën publike dhe rekomandimet e KDI-së që kanë të bëjnë me: Zonat zgjedhore, fuzionimin e KZAP-it në Gjykatën Supreme, balotazhin, pragu zgjedhor, listat e hapura dhe votat me kusht.

“Jemi munduar që përderisa grupi punues për zgjedhje është duke punuar rreth procesit zgjedhor, të paraqesim një analizë të reformës zgjedhore dhe sadopak të ndihmojmë këtë proces”, ka thënë Kryeziu, ndërkohë ka potencuar se po mungon vullneti politik për të bërë reforma në këtë drejtim, ndryshime që sipas tij do të mundësojnë afrimin e qytetarëve më të zgjedhurve.

Nga ana tjetër, Lirak Qelaj, anëtar i grupit punues zgjedhor nga PDK-ja, ka shpalosur qëndrimin e partisë së tij lidhur me elementet e diskutuar për reformim, ndërkohë ka mbështetur rekomandimin e KDI-së për listat e hapura. Qelaj ndërkohë ka thënë se partia që ai përfaqëson është e gatshme ndryshimet e propozuar, nëse shumica e anëtarëve të grupit punues për zgjedhjet pajtohen.

“Listat duhet të jenë të hapura. Ne pajtohemi që të votohet edhe lideri dhe e mbështesim rekomandimin e KDI-së lidhur me këtë çështje”, ka thënë Qelaj.

Një pajtim më të plotë rreth analizës së KDI-së e ka dhënë anëtari tjetër i grupit punues për zgjedhje, Ibrahim Makolli nga AKR.

“Punimi i KDI-së tregon që shoqëria civile është më e përkushtuar për ndryshimet në legjislacionin zgjedhor”, ka thënë Makolli, duke shtuar se modeli i vitit 2004 i sistemit zgjedhor, është më i miri. Edhe Makolli ka vlerësuar se nuk ka kohë të mjaftueshme për të bërë reforma në sistemin zgjedhor.


Nga ana tjetër, të pranishmit kanë kërkuar që rekomandimet e paraqitura në analizën e KDI-së, të merren parasysh nga përgjegjësit. Ndër temat më së shumti të diskutueshme kanë qenë pragu zgjedhor dhe zonat.
 

Kalendari

Ngjarjet e datës 21 Dhjetor 2020 - Kryeministri në detyrë Avdullah Hoti zhvillon homazhe te varri i ish presidentit Ibrahim Rugova. (Velani, ora 10:00)

- Kryesia e Lidhjes Demokratike te Kosovës bën homazhe te varri i Presidentit Historik të Kosovës, Dr. Ibrahim Rugova, me rastin e 15 vjetorit të vdekjes së tij. (Velani, ora 10:00)

- Mbahet mbledhja e parë e Komiteti për Politik dhe Financa në Komunën e Rahovecit. (Objekti i ri i administratës komunale të Rahovecit, ora 10:00)

- Mbahet seanca gjyqësore ndaj zyrtaritt te Drejtorisë për Migrim dhe të Huaj, Maxhun Maloku për keqpërdorim te pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)
 
- Kryeministri në detyrë Avdullah Hoti merr pjesë në fillimin e punimeve në zgjerimin e rrugës në hyrje të qytetit të Ferizajt. (Ura afër fshatit Bibaj, ora 11:00)

- Ambasadorja suedeze, Karin Hernmarck, dhe Ushtruesi i Detyrës së Shefit të Misionit të OSBE-së në Kosovë, Kilian Wahl, do të organizojnë një konferencë për shtyp në Prishtinë për t’i prezantuar prioritetet e Kryesimit suedez të OSBE-së për vitin 2021. (Hotel Sirius, ora 11:00)

- Kryetarja e KQZ-së, znj. Valdete Daka do të mbajë konferencë për media. (Selia e KQZ, ora 12:00)

- Aleanca Kosovare e Bizneseve mban konferencën për media me temë ''14 kërkesat e AKB-se, bizneseve dhe konsumatoreve deri me 14 shkurt, kur edhe përfundojn zgjedhjet lidhur me rritjen e mirëqenies qytetare dhe pasurimin dhe implementimin e Ligjit për Rimëkëmbje Ekonomike për vitin 2021''.  (Salla e konferencave të AKB-së, ora 13:00)

 - Kryeministri në detyrë Avdullah Hoti merr pjesë në akademinë për ish presidentin Ibrahim Rugova. (Teatri i Gjilanit, ora 14:00)    

- PDK dega në Prizren, bën prezantimin e kandidatëve për deputetë, për zgjedhjet e jashtëzakonshme nacionale të 14 shkurtit 2021. (Restaurant ''Rexos'' në Lubizhdë, përballë stacionit të policisë, ora 19:00)