26 Janar 2021

Kanada mbështet bisedimet mes Kosovës dhe Serbisë

Prishtinë, 19 tetor - Zëvendëskryeministri i Qeverisë së Republikës së Kosovës, Hajredin Kuçi pat sot takim me ambasadorin kanadez në Kroaci, Ed Loughlin.

Me këtë rast u bisedua rreth bashkëpunimit të deritanishëm dhe thellimit të mëtutjeshëm të bashkëpunimit të ndërsjellë për të ardhmen në mes Kosovës dhe Kanadasë.

Zëvendëskryeministri Kuçi e falënderoi Ambasadorin Loughlin për përkrahjen e vazhdueshme që shteti i Kanadasë i ka dhënë dhe po i jep Republikës së Kosovës në organizatat e rëndësishme botërore dhe po ashtu për punën e mirë që po bëjnë pjesëtarët e shtetit të Kanadasë në KFOR dhe EULEX.

Ndërkaq, Ambasadori Loughlin shprehu gatishmërinë për mbështetje në bisedimet që pritet të zhvillohen në mes Republikës së Kosovës dhe Serbisë. Ai po ashtu përgëzoi për progresin e madh që është arritur në Kosovë pas pavarësisë dhe beson që shteti i Kosovës  pas vendimit të GJND-së do të  përshpejtojë në proceset integruese në NATO dhe Bashkim Evropian.

Gjatë takimit është  biseduar edhe për zhvillimet e fundit në Kosovë. Me këtë rast, zëvendëskryeministri Kuçi theksoi se institucionet e Kosovës janë duke funksionuar sipas ligjeve dhe Kushtetutës së Republikës së Kosovës. 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)