25 Shtator 2022

Italia mbështetë rrugëtimin e Kosovës drejt BE-së

Itali, 8 korrik - Në kuadër të marrëdhënieve të shkëlqyeshme midis Republikës së Kosovës dhe Republikës së Italisë u zhvillua pranë Senatit Italian takimi midis Sekretares e Komisionit për Bilancin zj. Donatella Conzatti, Zëvenëspresidentes së Komisionit të Jashtëm zj. Laura Gravini dhe Ministrit të Administrimit të Pushtetit Lokal z. Elbert Krasniqi, i shoqëruar nga ambasadorja e Republikës së Kosovës në Itali zj. Lendita Haxhitasim.

Përgjatë këtij takimi u diskutuan tema me interes të ndërsjellët për të cilat parlamenti Italian mund të zhvilloj një rol të rëndësishëm në mbështetje të çështjeve si kandidimi i Republikës së Kosovës në anëtarësimin e saj në Këshillin e Evropës, liberalizimi i vizave si dhe konsolidimi i kontekstit socio-ekonomik më fokus përthithjen e investimeve.

Ministri Krasniqi theksoi gadishmërinë për të mbështetur shoqëritë italiane të cilat planifikojnë të investojnë në tregun e Kosovës i cili ofron fuqi punëtore të re dhe të kualifikuar.

Në anën tjetër zj. Conzatti, theksoi se Italia e mbështet rrugëtimin e Republikës së Kosovës drejt BE-së, ashtu si dhe drejt Këshillit të Evropës, pasi Kosova po dëshmon se është në rrugën e duhur drejt reformave, zhvillimit dhe promovimit të demokracisë dhe të drejtave të njeriut.

Kjo duhet të jetë një arsye e mirë për të shtyrë institucionet politike, ekonomike dhe kulturore për të krijuar mundësi të reja për të shkëmbyer përvojat në mes të dy vendeve të cilat jetojnë në simbiozë perfekte.

 

Kalendari

Ngjarjet e datës 24 shtator 2022

- Federata Atletikës së Kosovës dhe Departamenti i Sporteve, organizon maratonën “Prishtina 2022”, në të cilën marrin pjesë mbi 500 garues. (Nisja bëhet nga Teatri Kombëtar, ora 9:00)

- Me qëllim të koordinimit ndër-institucional mes Qeverisë dhe Pushtetit Lokal mbahet takimi i përbashkët me Kryeministrin, Albin Kurti, Ministrin e Pushtetit Lokal, Elbert Krasniqi, Ministrin e Financave, Hekuran Murati, Ministren e Ekonomisë, Artane Rizvanolli dhe Kryetarët e Komunave me ç ‘rast do të diskutohet performanca buxhetore e Komunave dhe Investimet Kapitale, energjia, etj... (Hotel Dukagjini në Pejë, ora 10:00)

- Partia Demokratike e Kosovës mban Konventën Programore të Gruas Demokratike të Kosovës.  (Hotel Emerald, ora 10:00)  

- Lidhja Demokratike e Kosovës, Dega në Gjilan mban konventën e madhe programore. (Salla e Teatrit të Qytetit në Gjilan, ora ora 11:00)

- Koalicioni i OJQ–ve për Mbrojtjen e Fëmijëve në Kosovë bën prezantimin e instalacionit simbolik “Fëmijët në Shkolla”. (Sheshi “Skënderbeu” në Prishtinë, ora 12:00)
 
- Kryeministri i Republikës së Kosovës, Albin Kurti, bashkë me Zëvendëskryeministren për Çështje të Pakicave dhe të Drejtat e Njeriut, Emilija Redžepi, marrin pjesë në hapjen solemne të Qendrës Kulturore Boshnjake, me rastin e festimit të Ditës Kombëtare të Boshnjakëve. (Qendra Kulturore Boshnjake në Prizren, ora 14:00)