18 Janar 2021

Holanda shprehi gatishmërinë për ta mbështetur Kosovën

Prishtinë, 28 tetor - Kryeministri i Qeverisë së Republikës së Kosovës, Hashim Thaçi, ka pritur në takim njohës ambasadorin e Mbretërisë së Holandës, Robert Bosch, me të cilin ka biseduar për zhvillimet aktuale politike në Kosovë dhe rajon si dhe për bashkëpunimin e Republikës së Kosovës me Mbretërinë e Holandës.

Kryeministri Thaçi ka vlerësuar lartë bashkëpunimin e deritashëm në mes të dy vendeve. Kryeministri ka shprehur gatishmërinë e Qeverisë së Kosovës që ta vazhdojë dhe të avancoj bashkëpunimin  në mes të Kosovës dhe Holandës edhe në të ardhmen.

\"Holanda është nga vendet që ka mbështetur proceset e shtetndërtimit në Kosovë dhe ne presim që në të ardhmen ajo të vazhdoj mbështetjen për Kosovën në proceset integruese euroatlantike\", ka thënë kryeministri Hashim Thaçi.

Edhe ambasadori i Mbretërisë së Holandës ka shprehur gatishmërinë e vendit të tij për të vazhduar bashkëpunimin dhe mbështetjen e Kosovës në proceset e konsolidimit dhe integrimit të saj në strukturat euroatlantike.

Kalendari

Ngjarjet e datës 18 Dhjetor 2020

- Ministria e Punëve të Brendshme bën përurimin e aneks-objektit të Agjencisë së Kosovës për Forenzikë. (Objekti i Agjencisë, që gjendet afër ish-fabrikës së amortizatorëve, ora 9:30)

- Mbahet seanca gjyqesore ndaj te pandehures Mimoza Pajaziti. (Gjykata Themelore në Ferizaj, Salla nr.II, ora 9:30)

- Me rastin e fillimit të gjysëmvjetorit të dytë të vitit shkollor kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të vizitojnë shkollën fillore "Lekë Dukagjini" dhe Gjimnazin "Remzi Ademaj", ora 10:00. (Nisja e organizuar nga Shtëpia e Bardhë, ora 9:40)

- Këshilli Prokurorial i Kosovës mban takimin e 193-të në të cilin pritet të votohet për Kryesuesin dhe Zëvendëskryesuesin e ri të Këshillit Prokurorial të Kosovës. (Online, ora 10:00)

- Mbahet seanca gjyqesore ndaj te pandehurit Emin Stublla për vrasje në tentativë. (Gjykata Themelore në Ferizaj, Salla nr.II, ora 10:00)

- Ministri në detyrë i Drejtësisë, Selim Selimi do të mbajë konferencë për media. (Holli i Ministrisë së Drejtësisë, ora 11:00)

- Ministrja e Kulturës, Rinisë dhe Sportit, Vlora Dumoshi do të ndajë çmimin vjetor “Anton Çetta”. (Ambientet e Bibliotekës Kombëtare të Kosovës, ora 11:00)

- Kryeministri në detyrë, Avdullah Hoti, merr pjesë në Inaugurimin e shkollës “Dëshmorët e kombit” në fshatin Dobresh të Komunës së Vitisë. (Dobresh, Komuna e Vitisë, ora 14:00)

- Aleanca për Ardhmërinë e Kosovës, prezenton Programin Zgjedhor 2021-2025. (Biblioteka Kombëtare, ora 15:00)