03 Mars 2021

GLPS e konsideron reformën zgjedhore të domosdoshme

Prishtinë, 26 janar - Grupi për Studime Juridike dhe Politike (GLPS) sot më datë 26 Janar mbajti Tryezen e Diskutimit me temë: “Reforma zgjedhore dhe zgjedhjet: a është reforma zgjedhore prioritet në programet e partive politike?”. 

Të ftuar si panelistë në këtë diskutim online ishin Drejtori i Zyrës për Regjistrimin dhe Certifikimin e Partive Politike (RPPC) z. Ylli Buleshkaj, kandidati për deputet nga Lëvizja Vetëvendosje z.Adnan Rrustemi, dhe kandidati për deputet nga Lidhja Demoktratike e Kosovës LDK, z. Shkelzen Hajdini. 

Në fillim GLPS prezantoi Analizën e Politikave në te cilën konsideroi se një reformë zgjedhore është e domosdoshme për të menjanuar problemet e vazhdueshme në proceset zgjedhore. Në të njejtën linjë GLPS konsideroi se Projektiligji për Financimin e Partive Politike duhet të mbetet prioritet për qeverinë në ardhje dhe i njejti duhet të mbetet sipas rekomandimeve të shoqërisë civile dhe Komisionit të Venecias.

Drejtori i Zyrës për Regjistrim dhe Çertifikim të Partive Politike, z. Buleshkaj, theksoi se është shumë e rëndësishme se para se të filloj një proces reformues duhet të bëhet një vlerësim i tërësishem me të gjitha palët e interesit, përfshirë këtu edhe institucionet relevante, në mënyre qe të kontribuohet njejtë në këtë proces. Poashtu, ai mirëpriti iniciativën, por edhe kontributin e shoqërisë civile për reformat e inicuara për partitë politike, duke konsideruar një iniciativë të tillë si shumë të rëndësishme drejt rritjes së transparencës financiare.

Në vazhdim, z. Hajdini, përfaqsues i LDK-së, theksoi nevojën për ligje të aplikueshme në praktikë. Ai konsideroi që ekziston një nevojë e madhe për rishikim të Projektligjit për Financimin e Partive Politike, duke gjetur një konsensus të gjërë mes partive ekzistuese. Sipas tij projektligji aktual ngërthen në vete procedura që janë veshtirë të aplikueshme. Ai shtoi se tashmë është evidente se financimi i partive politike ballafaqohet me mungesë transparence, dhe mbetet parakusht që të propozohen ndryshimet e nevojshme qe projektligji aktual të jetë i zbatueshëm nga i gjithë spektri politik.

Ndërkaq, z. Rrustemi, përfaqsues i Lëvizjes Vetëvendosje, vuri theksin mbi politizimin e tejskajshëm me procesin e reformës zgjedhore duke potencuar se asnjëhërë nuk ka ekzistuar një seriozitet i dëshiruar, por është përdorur më shumë për interesa politike, sidomos gjatë fushatave zgjedhore.  Ndër të tjera ai tha se vëmëndja duhet të vihet në administrimin e proceseve zgjedhore se sa në reformën e sistemit zgjedhor. Ai shtoi se është shumë e rëndësishmë të sigurohen kapacitetet e duhura profesionale të Komisionit Qendror të Zgjedhjeve (KQZ) dhe ndër të tjera te sigurohet pavarësia e Zyrës për Regjistrimin dhe Çertifikimin e Partive Politike.

Si përfundim, GLPS, u bëri thirrje të gjitha partive politike në Kosovë, që te angazhohen në arritjen e një konsensusi të përgjithshëm, për ta cuar vendin drejtë një reformën të mirëfilltë zgjedhore, dhe përfundimisht të bëjnë përpjejke serioze në ngritjen e transparencës financiare të partive politike.

 

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)