30 Shtator 2022

Gjermania e mbështetë fuqishëm perspektivën evropiane të Kosovës

Prishtinë, 5 maj - Pas kthimit nga vizita zyrtare në Berlin, Kryeministri i Republikës së Kosovës, Albin Kurti, priti në takim ministren e Mbrojtjes së Republikës Federale të Gjermanisë, Christine Lambertch.

Kryeministri Kurti e falënderoi ministren Lambertch për vizitën, si edhe për mikpritjen e ngrohtë që i bëri kancelari gjerman Olaf Scholz në Gjermani. Ai i vlerësoi takimet e frytshme dhe shumë miqësore, ndërsa potencoi rëndësinë e nismës së kancelarit për ringjalljen e Procesit të Berlinit.  

Duke theksuar se e ardhmja e Kosovës është në NATO dhe në Bashkimin Evropian, ai tha se për përshpejtimin e integrimit të Kosovës, roli i Gjermanisë është qendror. Kryeministri në veçanti  kërkoi mbështetje për pranimin e Kosovës në Programin e Partneritetit për Paqe të NATO-s dhe në Këshillin e Evropës.

Duke vlerësuar marrëdhëniet e shkëlqyera, ai shtoi se Kosova është partner i qëndrueshëm për Gjermaninë dhe Bashkimin Evropian, ndërsa veçoi sanksionet kundër Rusisë, gatishmërinë për të pranuar 20 gazetarë ukrainas dhe gatishmërinë për strehim të deri 5.000 refugjatëve nga Ukraina.

Lidhur me procesin e dialogut me Serbinë, kryeministri Kurti ritheksoi se njohja reciproke duhet të jetë në qendër të procesit e jo në fund të tij.

Ai tha se Serbia duhet të demokratizohet dhe të ballafaqohet me të kaluarën, si dhe të distancohet nga Milosheviqi dhe Putini.

Ministrja Lambertch theksoi se liria dhe integriteti territorial janë shumë të rëndësishme dhe se Gjermania e mbështetë fuqishëm perspektivën evropiane të Kosovës.

Po ashtu tha se e mbështetë edhe dialogun për normalizimin e marrëdhënieve me Serbinë duke zgjidhur konkretisht çështjet e raporteve bilaterale.

​

 

Kalendari

Ngjarjet e datës 30 shtator 2022

- Në Ditën Ndërkombëtare e Personave të Moshuar UNFPA prezanton të dhenat kyqe dhe opsionet e dala nga anketa për izolimin social tek personat e moshuar në Kosovë. (Hotel International Prishtina, ora 10:00)

- Mbahet takimi i 219-të i Këshillit Prokurorial të Kosovës. (Online, ora 10:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Hekuran Murati, Minister i Financave, Punës dhe Transfereve dhe interviston Ymer Fejzullahu, Kryesues i Bordit të Zyrës së Rregullatorit për Energji. (Ndërtesa e Kuvendit, salla N204, ora 10:00)

- Balkan Green Foundation me mbështjetje të Heinrich Böll Stiftung mban konferencë për media, në të cilën do të prezentohet hulumtimi: “Kriza Energjetike në Ballkanin Perëndimor: Masat e ndërmarra në kohën e rritjes së çmimeve të energjisë”. (Zyret e Balkan Green Foundation afër Librarisë Koha në Prishtinë, ora 12:00)

- Nën organizimin e organizatës gjermane GIZ, kryetarët e komunave të regjionit të Gjilanit nënshkruajnë memorandum mirëkuptimi. (Hotel Astoria në Gjilan, ora 13:00)

- Kryeministri i Republikës së Kosovës, Albin Kurti, së bashku me Zëvendëskryeministren për Çështje të Pakicave dhe të Drejtat e Njeriut, znj. Emilija Redžepi, marrin pjesë në tryezën e rrumbullakët me komunitetin boshnjak, organizuar nga Zyra për Çështje të Komuniteteve e Zyrës së Kryeministrit. (Ndërtesa e Qeverisë, ora 13:30)

- Presidenti i FIFA-s, Gianni Infantino do të qëndrojë në Kosovë ku mbajë edhe një konferencë për media. (Selia e Federatës së Futbollit, ora 15:00)

- Kryeministri i Kosovës, Albin Kurti, ministri Hajrulla Çeku, përfaqësues të Federatës së Xhudos të Kosovës marrin pjesë në ceremoninë e lansimit të programit "Kosova, shtet i xhudos”. (Lapidariumi i Muzeut Kombëtar të Kosovës, ora 17:00)

- Qendër Telefonike për Parandalim të Vetëvrasjes Linja e Jetës organizon një koncertë për mbledhje të fondeve në mënyrë që të mos mbyllet pasi është në gjendje të rënduar financiare, ora 20:30