26 Maj 2020

Gjermania dhe Kroacia: Kosova të ketë sistem unik të drejtësisë

Prishtinë, 19 prill - Ministri i Drejtësisë,  Haki Demolli, ka pritur sot në takime pune ambasadorin e Gjermanisë në Prishtinë,  Hans-Dieter Steinbach dhe ambasadorin e Kroacisë në Prishtinë  Zlatko Kramaric.

Me këtë  rast ministri Demolli ka pranuar urimet nga të dy ambasadorët, për zgjedhjen e tij në postin e ministrit të Drejtësisë.

Ministri Demolli e ka njoftuar ambasadorin gjerman  Hans-Dieter Steinbach dhe atë kroat  Zlatko Kramaric, për prioritetet që ka si ministër i Drejtësisë, duke theksuar si prioritet kryesor eliminimin e sfidave që kanë dalë nga raporti i progresit i Komisionit Evropian, i vitit të kaluar.

Ndërsa ambasadori i Gjermanisë në Prishtinë  Hans-Dieter Steinbach ka thënë së shteti Gjerman përveç ndihmës që po e jep për Kosovën me anë të projekteve të ndryshme, ata po kontribuojnë për Kosovën edhe përmes EULEX-it.

Sipas ambasadorit Steinbach, Gjermania është e interesuar që në Kosovë të ketë sistem unik të drejtësisë.

Edhe ambasadori i Kroacisë në Prishtinë,  Zlatko Kramaric, theksoi se vendi i tij është i gatshëm ta ndihmoj Kosovën në të gjitha fushat ku është e nevojshme.

Në të  dy takimet u bisedua edhe për bashkëpunimin juridik ndërkombëtarë, ku të gjitha palët u pajtuan së nënshkrimi i një  marrëveshje për bashkëpunim juridik ndërkombëtarë në  çështje penale, është i rëndësishëm.

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)