18 Janar 2021

FER kundër ndryshimit të ligjit për zgjedhjet

Prishtinë, 25 tetor - Dy anëtarët e partisë më të re, Fryma E Re, (FER), Qëndrim Gashi dhe Ilir Deda, në një konference për media, prezentuan qëndrimin e FER-it në lidhje me procedurën e miratimit të ligjit të zgjedhjeve të përgjithshme.

 

FER  pozicionohet kundër miratimin me procedurë të përshpejtuar të ligjit të zgjedhjeve të përgjithshme kanë bërë të ditur zyrtarët e kësaj partie sot në një konferencë për media.

“Kuvendi i Republikës së Kosovës pritet ta shqyrtojë këtë javë Ligjin për zgjedhjet e përgjithshme. Ky është ligj i rëndësisë jetike për funksionimin e shtetit demokratik. Nga zgjedhjet buron legjitimiteti i institucioneve shtetërore”, tha Deda.

“Ajo që e shohim qe një kohë, kur një ligj i rëndësisë më të lartë dëshirohet të kalohet me procedurë tejet të përshpejtuar, nuk përkon me praktikat e shteteve demokratike. Këtu nuk bëhet fjalë vetëm për praktika, por për procedura konkrete dhe burime njrëzore që kërkojnë kohë për t’u përgatitur”, u shpreh ai.

Sipas Dedës kjo dëshmon për mungesë vizioni të politikës së vjetër.

“Në fakt, në Kosovë ekziston një ligj zgjedhor i miratuar nga po ky Kuvend dhe tani po bëhen ndryshime për Ligjin zgjedhor shumë afër mbajtjes së zgjedhjeve, kur praktikë është që në vitin zgjedhor nuk bëhen ndryshime të tilla”, tha ai.

Sipas tij, kjo dëshmon për mungesë planifikimi të politikës së vjetër.
“Për më shumë, funksionimi i brendshëm jodemokratik i partive politike është transplantuar edhe në institucionet shtetërore, ku në vend të qytetarit, prioritet janë grupet e interesit. Kuvendi i Kosovës, fatkeqësisht, nuk e mban përgjegjës ekzekutivin”.


 

Kalendari

Ngjarjet e datës 18 Dhjetor 2020

- Ministria e Punëve të Brendshme bën përurimin e aneks-objektit të Agjencisë së Kosovës për Forenzikë. (Objekti i Agjencisë, që gjendet afër ish-fabrikës së amortizatorëve, ora 9:30)

- Mbahet seanca gjyqesore ndaj te pandehures Mimoza Pajaziti. (Gjykata Themelore në Ferizaj, Salla nr.II, ora 9:30)

- Me rastin e fillimit të gjysëmvjetorit të dytë të vitit shkollor kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të vizitojnë shkollën fillore "Lekë Dukagjini" dhe Gjimnazin "Remzi Ademaj", ora 10:00. (Nisja e organizuar nga Shtëpia e Bardhë, ora 9:40)

- Këshilli Prokurorial i Kosovës mban takimin e 193-të në të cilin pritet të votohet për Kryesuesin dhe Zëvendëskryesuesin e ri të Këshillit Prokurorial të Kosovës. (Online, ora 10:00)

- Mbahet seanca gjyqesore ndaj te pandehurit Emin Stublla për vrasje në tentativë. (Gjykata Themelore në Ferizaj, Salla nr.II, ora 10:00)

- Ministri në detyrë i Drejtësisë, Selim Selimi do të mbajë konferencë për media. (Holli i Ministrisë së Drejtësisë, ora 11:00)

- Ministrja e Kulturës, Rinisë dhe Sportit, Vlora Dumoshi do të ndajë çmimin vjetor “Anton Çetta”. (Ambientet e Bibliotekës Kombëtare të Kosovës, ora 11:00)

- Kryeministri në detyrë, Avdullah Hoti, merr pjesë në Inaugurimin e shkollës “Dëshmorët e kombit” në fshatin Dobresh të Komunës së Vitisë. (Dobresh, Komuna e Vitisë, ora 14:00)

- Aleanca për Ardhmërinë e Kosovës, prezenton Programin Zgjedhor 2021-2025. (Biblioteka Kombëtare, ora 15:00)