21 Janar 2021

Egjipti është duke e shqyrtuar kërkesën për njohjen e Kosovës

Nju Jork, 29 shtator - Ministri i Punëve të Jashtme i Republikës së Kosovës, Skender Hyseni, ka takuar sot në Nju Jork, Ministrin e Punëve të Jashtme të Republikës Arabe të Egjiptit, Ahmed Aboul Gheit, me të cilin ka folur për zhvillimet më të fundit rreth Kosovës, marrëdhëniet mes dy popujve e vendeve, si dhe për procesin e njohjeve.

Duke folur për zhvillimet më të fundit në lidhje me Kosovën, Ministri Hyseni ka thënë se, pas vendimit të qartë të Gjykatës Ndërkombëtare të Drejtësisë se Deklarata e Pavarësisë së Kosovës është në pajtim me të drejtën ndërkombëtare dhe pas miratimit të rezolutës së Asamblesë së Përgjithshme, e cila e mirëpret këtë vendim, nuk ka më asnjë arsye ligjore dhe politike për shtetet që ende nuk e kanë njohur Kosovën, që të vonojnë më tej njohjen e tyre.

Në këtë kontekst, Ministri Hyseni i ka bërë thirrje homologut të tij nga Egjipti që Qeveria e tij të shqyrtojë mundësinë e marrjes sa më parë të vendimit për njohjen formale të shtetit të Kosovës, si dhe i ka propozuar vendosjen e marrëdhënieve diplomatike në mes dy vendeve.

Në diskutimin e tij, Ministri Hyseni ka theksuar se, Egjipti është një vend me të cilin Republika e Kosovës synon të ndërtojë marrëdhënie të ngushta, dhe një vend me të cilin populli i Kosovës ka lidhje të hershme.

Nga ana e tij, Ministri i Jashtëm i Egjiptit, Ahmed Aboul Gheit ka thënë se, Egjipti është duke e shqyrtuar kërkesën dhe do të marrë vendimin në kohën e duhur. Po ashtu, Ministri Gheit ka sqaruar se vonesa e njohjes nuk ka të bëjë me Kosovën, porse kjo lidhet me arsye të tjera. 
 
 

Kalendari

Ngjarjet e datës 21 Dhjetor 2020 - Kryeministri në detyrë Avdullah Hoti zhvillon homazhe te varri i ish presidentit Ibrahim Rugova. (Velani, ora 10:00)

- Kryesia e Lidhjes Demokratike te Kosovës bën homazhe te varri i Presidentit Historik të Kosovës, Dr. Ibrahim Rugova, me rastin e 15 vjetorit të vdekjes së tij. (Velani, ora 10:00)

- Mbahet mbledhja e parë e Komiteti për Politik dhe Financa në Komunën e Rahovecit. (Objekti i ri i administratës komunale të Rahovecit, ora 10:00)

- Mbahet seanca gjyqësore ndaj zyrtaritt te Drejtorisë për Migrim dhe të Huaj, Maxhun Maloku për keqpërdorim te pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)
 
- Kryeministri në detyrë Avdullah Hoti merr pjesë në fillimin e punimeve në zgjerimin e rrugës në hyrje të qytetit të Ferizajt. (Ura afër fshatit Bibaj, ora 11:00)

- Ambasadorja suedeze, Karin Hernmarck, dhe Ushtruesi i Detyrës së Shefit të Misionit të OSBE-së në Kosovë, Kilian Wahl, do të organizojnë një konferencë për shtyp në Prishtinë për t’i prezantuar prioritetet e Kryesimit suedez të OSBE-së për vitin 2021. (Hotel Sirius, ora 11:00)

- Kryetarja e KQZ-së, znj. Valdete Daka do të mbajë konferencë për media. (Selia e KQZ, ora 12:00)

- Aleanca Kosovare e Bizneseve mban konferencën për media me temë ''14 kërkesat e AKB-se, bizneseve dhe konsumatoreve deri me 14 shkurt, kur edhe përfundojn zgjedhjet lidhur me rritjen e mirëqenies qytetare dhe pasurimin dhe implementimin e Ligjit për Rimëkëmbje Ekonomike për vitin 2021''.  (Salla e konferencave të AKB-së, ora 13:00)

 - Kryeministri në detyrë Avdullah Hoti merr pjesë në akademinë për ish presidentin Ibrahim Rugova. (Teatri i Gjilanit, ora 14:00)    

- PDK dega në Prizren, bën prezantimin e kandidatëve për deputetë, për zgjedhjet e jashtëzakonshme nacionale të 14 shkurtit 2021. (Restaurant ''Rexos'' në Lubizhdë, përballë stacionit të policisë, ora 19:00)