16 Shtator 2019

Edhe me kampanja parazgjedhore politikanët duhet të dëshmojnë etikë e moral

Prishtinë, 6 shtator - Jemi dëshmitarë të një politizimi të skajshëm të shoqërisë kosovare në këtë kohë të një kampanje të egër zgjedhore nga partitë politike që pretendojnë të hyjnë në garën për zgjedhje me 6 tetor të këtij viti.

Ish Kryetari i Odes Ekonomike të Kosovës, Safet Gërxhaliu ka thënë së duhet të kuptohet që nuk mund të ecim përpara si shoqëri deri sa nuk identifikohet shkaktari i dështimit në forcimin e shtetit tonë dhe më pastaj të promovohen premtime utopike nga politikanët që pjesa dominuese e tyre kanë qenë dhe janë shkaktarët kryesor që kemi një ekonomi në një situatë katastrofike, kemi një shëndetësi që është për mjerim, kemi një arsim që është për tu shqetësuar sepse një shoqërie me arsim të shkatëruar ia varrosë ardhmërinë e saj, kemi një situatë politike që shumë më tepër është në interes të armiqëve të Kosovës se sa si perspektivë e ardhmërisë së qytetarit të Kosovës dhe kur dëgjon premitmet që bëhen është vërtetë shqetësuese, por e verteta tjetër është që në këto premtime përveq militantëve dhe fëmijëve të tyre më nuk i besojnë as qytetarët.

Fati i Kosovës sipas tij është që edhe përkundër sfidave që ballafaqohen qytetarët, kemi një vetëdije të tyre që është më ndryshe se në të kaluarën dhe besoj që kjo vetëdije do të reflektoj në zgjedhjet e 6 tetorit dhe forma e komunikimit të politikanëve në këtë kampanjë duke promovuar antivlerën si vlerë, të paditurit si të ditur, tradhtarin dhe shpiunin si trim dhe duke humbur kohë për ta hijeshuar vetëm të kaluarën është diqka që nuk i bën nder qytetarit të Republikës së Kosovës.

Gërxhaliu konsideron se në qoftë se nuk kuptohet sundimi i rendit dhe ligjit dhe vetingu në këtë sektor atëher të gjitha premtimet edhe po të jenë të realizuara, paraprakisht do të jenë të gjykuara për të dështuar.

Prandaj sic ka thënë ai është koha që me qytetarët të bisedohet në një formë më të avancuar, më njerëzore, më argumentuese dhe të përdoret pak moral dhe etikë në dialogim.

"Le të jetë moto e të gjithëve se si duhet të kthehet besimi i humbur në ardhmërinë e Kosovës, si duhet të promovohet Kosova për të jetuar dhe qëndruar këtu e jo për tu larguar dhe për të ikur, si dhe të forcohet partneriteti i Kosovës me shtetet mike në Evropë, Amerikë e gjetiu të cilat e kanë meritën e pakontestuar në bërjen e shtetit të Kosovës."

"Fokusohuni në promovim të zbatimit të ligjeve dhe sundimit të rendit dhe ligjit në Kosovë, fokusohuni në edukim cilësor të depolitizuar dhe me vlera ndërkombëtare, fokusohuni në shëndetësinë dhe kthim të besimit të qytetarëve në shëndetësinë kosovare dhe jo si tani kur qytetarët e Kosovës kërkojnë mëshirë në spitalet e Turqisë, Maqedonisë, Shqipërisë por më e keqja edhe në atyre të Serbisë, fokusohuni në një politikë rajonale dhe integruese që forcon rolin e Kosovës qoftë në aspektin rajonal, qoftë integrues dhe europian dhe mbi të gjitha fokusohuni për të përmirësuar imazhin e Kosovës që është në pikën më të ulët që nga koha që ekziston Kosova".

"Mos të flitet shumë për luftë kundër korrupsionit sepse të paktë janë ata politikanë dhe parti politike që mund të kontribojnë në këtë proces, kur dihet që në formë direkte, indirekte apo perifere, të gjithë janë të kyÒ«ur nga skena politike përmes oligarëve biznesorë në këto afera korruptive dhe janë pjesë e korrupsionit", ka vlerësuar Gërxhaliu.

Prandaj sipas tij duhet të kuptohet që korrupsioni dhe hajnia nuk zgjidhen nga të korruptuarit dhe hajnat por kemi nevojë për një sinergji të re të njerëzve të pastër të cilët nuk e kanë qëllim vetëm pushtetin por janë të betuar të kontribojnë për shtetin.

"Dua që të besoj se në të ardhmen nuk do të ketë grupe të caktuara të interesit të vendosur nëpër digastere qeveritare dhe agjensione të ndryshme të paguara nga djersa e qytetarëve të Kosovës përmes buxhetit, të veprojnë kundër shtetit dhe vetëm në interesa të grupeve të caktuara biznesore të lidhura me politikën dhe në interes të politikës e në dëm të qytetarit dhe në fund besoj që është koha kur Kosova të forcoj partneritetin me institucionet më kredibile ndërkombëtare duke filluar nga Banka Botërore, Fondi Monetar Ndërkombëtar, Banka Europiane për Rindërtim dhe Zhvillim por edhe me vet Bashkimin Europian sepse partneriteti me këto institucione ka rëndësi për ardhmërinë e Kosovës qoftë në dimensionin ekonomik, politik, strategjik, integrues dhe në përmirësim të imazhit".

"Përdorimi dhe promovimi i popullizmit të mbështjellur me patriotizëm folklorik nuk është garancë e ndërtimit të ardhmërisë në interes të qytetarëve të Kosovës. Duhet të kuptohet që edhe popullizmi do të venitet një ditë dhe nuk mund ti ikim ballafaqimit me të vërtetën e cila duhet të garantojë ardhmëri e vizion si dhe kthim të besimit në Republikën e Kosovës."

"Me qytetarët duhet të bisedohet pak më ndryshe dhe ajo më ndryshe është gjuha e argumentit, gjuha e bindjes, gjuha e të besuarit, gjuha e shpresës në ardhmëri, gjuha e liberalizimit, gjuha e edukimit, gjuha e shëndetësisë dhe që  këto të thuhen nga politikanët në kampanjat zgjedhore atëher ata duhet të kenë pak etikë e moral në qoftë se ju ka mbetur.

Kalendari

Ngjarjet e datës 16 shtator 2019 - Fillon edicioni i dytë i konferencës më të madhe për zhvillimin e qëndrueshëm në rajon më temë 'Mbrojtja e mjedisit: kërkim për qeverisje të mirë dhe thirrje për bashkëpunim rajonal'. (Hotel Emerald, ora 9:30)

- Kryetari i Komunës së Prizrenit, Mytaher Haskuka, do të marr pjesë në përurimin ei analizave të reja laboratorike në QMF-në në Reçane, ku i pranishëm do të jetë edhe drejtori i Drejtorisë së Shëndetësisë, Visar Shehu.(Reçane, ora 9:30)

- Nën moton “Pjesëmarrja“, për të 11-in vit me radhë, Kuvendi i Republikës së Kosovës shënon Ditën Ndërkombëtare të Demokracisë ku qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur. (Ndërtesa e Kuvendit, ora 9:30)

- Komuna e Prizrenit bën hapja e Javës 'Shtigjeve të Lirisë' ku do të ketë fjalë rasti edhe nga kryetari i Komunës, Mytaher Haskuka. (Prizren, ora 10:30)

- Në kuadër të Ditës Ndërkombëtare të Demokracisë bëhet hapja e panairit të organizatave të shoqërisë civile. (Oborri i Kuvendit, ora 10:50)

- Partia Demokratike dega në Prizren, do të mbajë një koferencë për media. (Zyrët e PDK-së në Prizren, ora 11:00)

- Në kuadër të Ditës Ndërkombëtare të Demokracisë mbahet kuizi i demokracisë. (Holli i Kuvendit, ora 11:30)

- Lëvizja FOL organizon diskutimin e parë në kuadër të Forumit FOL Hapur me kandidatët për Kryeministër/e të Kosovës. E ftuara e parë do të jetë znj. Vjosa Osmani, Kandidate për Kryeministre nga Lidhja Demokratike e Kosovës. (Zyrat e Lëvizjes FOL, ora 12:00)

- Kryetari i Komunës së Prizrenit, Mytaher Haskuka, do të marr pjesë në aktivitetin në Nashec tek lapidari i komandantit Remzi Ademaj. (Nashec, ora 12:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim Ministrin e Ministrisë së Mjedisit Jetësor dhe Planifikimit Hapësinor nga Republika e Maqedonisë së Veriut, Naser Nuredini, me të cilin do të bisedojnë rreth bashkëpunimit mes dy shteteve në fushat përkatëse. (Kabineti i Ministrit Matoshi, ora 12:30)

- Në kuadër të Ditës Ndërkombëtare të Demokracisë mbahet debat publik “Transparenca dhe pjesëmarrja qytetare në Kuvend”.  (Ndërtesa e Kuvendit, salla 405, ora 13:30)

- Kandidatja e LDK-së për Kryeministre, Dr. Vjosa Osmani, takohet me strukturat dhe qytetarët e Istogut. (Qendra e qytetit te Istogut, ora 16:00)

- Mbahet ceremonia e varrimit të veprimtarit të shquar romë, Nexhip Menekshe. (Varrezat e Prizrenit, ora 16:00)

- Mbahet ceremonia solemne e hapjes zyrtare të zyrës së re qëndore të Bankës Raiffeisen. (Zyra e re ndodhet në rrugën Robert Doll, ora 17:30)

- Kandidatja e LDK-së për Kryeministre, Dr. Vjosa Osmani viziton vendlindjen e Presidentit Historik Dr. Ibrahim Rugova, në Cerrcë dhe takohet me strukturat dhe banorët e fshatit.. (Fshati Cerrcë, ora 18:00)