20 Janar 2021

Clinton sovraniteti i Kosovës nuk preket dhe as nuk diskutohet

Prishtinë, 13 tetor - Sekretarja amerikane e Shtetit, Hillary Clinton i ka treguar kryeministrit Hashim Thaçi, se në Beograd ia ka bërë të qartë presidentit serb, Tadiq, se sovraniteti dhe itegriteti territorial i Kosovës nuk mund të preket dhe as të diskutohet.

"Ashtu siç ka thënë kryeministri Thaçi sot dhe presidenti Tadiq dje, disa çështje, siç është statusi, sovraniteti dhe integriteti territorial i Kosovës nuk do të diskutohet. Mirëpo liderët e të dy vendeve duhet t’i qasen dialogut me besim të mirë dhe duke respektuar shqetësimet e njëri tjetrit. Këto bisedime paraqesin një mundësi për të adresuar nevojat e menjëhershme dhe për t’i vëne përpara objektivat reciprokisht të dobishme."

Kryediplomatja amerikane, pas takimeve me krerët shtetërorë në Prishtinë ka shprehur inkurajimin e SHBA-së për nisjen e dialogut praktik ndërmjet Kosovës dhe Serbisë, që do të ishte në dobi të të dyja shteteve.

“Unë dhe kolegët e mi do të takohemi me zyrarërt e BE-së për të struktuar këtë dialog. Ekzistojnë shumë pyetje për të cilat duhen përgjigje, dhe ne do t’i adresojmë bashkë me Prishtinën, Beogradin e Brukselin”, ka thënë Clinton e pyetur për rolin e SHBA-së në procesin e dialogut.

Ajo ka thënë se është në interesin e Kosovës që procesi i dialogut në nisë sa më shpejtë, dhe SHBA-të do të luajnë rol mbështetës në dialog.

Po ashtu sipas saj Kosova dhe Shtete e Bashkuara kanë qenë partnerë gjatë luftës dhe përmes udhëtimit të Kosovës drejt pavarësisë.

Që nga fillimi Shtete e Bashkuara kanë mbështetur të drejtën e Kosovës për të ekzistuar si një shtet Sovran dhe i pavarur në kuadër të kufijve të vet.

"Ne e kemi mirëpritur vendimin e GJND-së, vendim që ka afirmuar të drejtën juridikë të Kosovës që të shpall pavarësinë. Tani do të vazhdojmë që të mbështesim Kosovën që ta kryej punën e vështirë që të krijoj një vend stabil përparimtar dhe demokratik që është në paqe  me të gjithë fqinjët dhe është i integruar gjithnjë e më tepër në komunitetin euroatlantik. Për këtë qëllim Shtetet e Bashkuara janë të inkurajuara që të nxisin dialogun  që do të zhvillohet në mes të Kosovës dhe Serbisë i cili ofron që të dy vendet të zgjidhin çështjet teknike, t’i tejkalojnë pengesat dhe të jenë fqinjë të mirë", ka theksuar Clinton .


Ushtruesi i Detyrës së Presidentit të Kosovës, dr. Jakup Krasniqi,  pasi që i shprehu sekretares Clinton mirëseardhje, e vlerësoi rolin historik të Shteteve të Bashkuara të Amerikës dhe të saj personalisht për Kosovën.

“Shpreh respektin dhe mirënjohjen e popullit dhe të institucioneve të Kosovës për ShBA-të dhe për Ju personalisht. Vizita juaj është konfirmim i politikës konsekuente të Shteteve të Bashkuara të Amerikës për të ndihmuar Kosovën dhe për thellimin e marrëdhënieve tona”, theksoi z. Krasniqi.

Ai e informoi Sekretaren Clinton për situatën e përgjithshme në vend, për konsolidimin e stabilitetit politik dhe të sigurisë, për thellimin e reformave, si dhe për procesin e pajtimit dhe mirëkuptimit ndëretnik.

Gjatë takimit, U.D i Presidentit Krasniqi, tha se pavarësia e Kosovës ka kontribuar në forcimin e stabilitetit politik dhe e të sigurisë jo vetën në Kosovë, por edhe në të gjithë rajonin, duke përmendur këtu edhe legjitimitetin e pavarësisë së Kosovës nga Gjykata Ndërkombëtare e Drejtësisë dhe Rezoluta e Asamblesë së Përgjithshme të OKB-së për Kosovën.

Gjithashtu, U.D i Presidentit të vendit, dr. Krasniqi shprehu gatishmërinë e institucioneve të vendit për dialog me Republikën e Serbisë për çështje të interesit të përbashkët, që do të përmirësonin jetën praktike të qytetarëve.

Sipas tij, koordinimi me SHBA-të në të gjitha proceset do të vazhdojë duke e thelluar miqësinë e sinqertë.

Ndërkaq, Sekretarja Amerikane e Shtetit Hillary Clinton, konfirmoi vazhdimin e mbështetjes së përgjithshme të Shteteve të Bashkuara të Amerikës për Kosovën.

Kalendari

Ngjarjet e datës 20 Dhjetor 2020

- Mbahet seanca e parë gjyqësore me rastin e padisë për diskriminim të qytetarit me aftësi të kufizuar, Faruk Kukaj ndaj komunës së Prishtinës. (Gjykata Themelore e Prishtinës, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të bëjnë përurimin e sallës së edukatës fizike në shkollën “Dy Dëshmorët e Zhurit”. (Fshati Zhur, ora 10:00 - nisja nga Shtëpia e Bardhë, ora 9:20)

- Mbahet seanca gjyqësore ndaj të pandehurit Brahim Krusha për Keqpërdorimi seksual te personave nen moshën 16 vjeçare. (Gjykata Themelore në Ferizaj, Salla nr.II, ora 9:30)

- Shoqata "Miqtë e Amerikës" organizon me moton "E para SHBA-ja" ku do të festohet inaugurimi i Presidentit të 59 të SHBA-ve Joe Biden dhe zëvëndes Presidentës Kamala Harris. (Restauranti "Liburnia" në Prishtinë, ora 12:00)   

- Mbahet seanca gjyqësore ndaj të pandehurit Albert Ramadni për çështjen penale të vrasjes së rëndë. (Gjykata Themelore në Ferizaj, ora 9:30)

- Mbahet seanca për rastin e ish-drejtorit të Policisë, Rashit Qalaj. (Gjykata Themelore në Pallatinë e Drejtësisë, 13:30)

- Kryeministri në detyrë, Avdullah Hoti, viziton Qendrën Rekreative Sportive në Brezovicë. (Brezovicë, ora 14:00)

- Kryeministri në detyrë, Avdullah Hoti, takon bizneset e udhëhequra nga gratë në Komunën e Shtërpcës. (Hoteli “THE ROCK”, Shtërpcë, ora 16:00)