19 Janar 2019

Britania e Madhe e gatshme për përkrahje në reformat e administratës publike

Prishtinë, 17 maj - Ministri i MAP-it, Mahir Yagcilar ka pritur Ambasadorin e Britanisë së Madhe në Prishtinë, Ruairi O`Conell, me të cilin kanë diskutuar për bashkëpunimin e deritanishëm dhe reformat në administratën publike.

Ministri fillimisht e falënderoi ambasadorin Britanik O`Conell dhe qeverinë e Britanisë së Madhe për përkrahjen e vazhdueshme të dhënë në fuqizimin e shtetësisë, në proceset integruese dhe në demokratizimin e vendit tonë.

Në fokus të këtij takimi, ishte vazhdimi i bashkëpunimit të procesit të rekrutimit për pozitat e larta drejtuese, ku palët u dakorduan për avancimin e politikave në këtë fushë.

Ndërsa, ambasadori O`Conell dëshmoi gatishmërinë për forcimin e bashkëpunimit me Ministrinë e Administratës Publike dhe përkrahjen edhe në fazat tjera të reformimit të administratës publike.
 

Kalendari

Ngjarjet e datës 18 janar 2019

- Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)

- Drejtori i Klinikës Emergjente, dr. Basri Lenjani, do të mbajë konferencë për medie. Në konferencë do të jepet qëndrimi zyrtar në lidhje me videon që ka qarkulluar në medie, për kinse mos ofrimin e shërbimeve shëndetësore ndaj një qytetari. (Klinika Emergjente, ora 13:00)