21 Janar 2020

Britania e Madhe do të jetë zë i fuqishëm i Kosovës

Prishtinë, 19 qershor - Ministri i Mbrojtjes, Rrustem Berisha dhe komandanti i Forcës së Sigurisë të Kosovës, gjenerallejtënant Rrahman Rama priten sot, në takime të ndara, drejtorin e Departamentit për Siguri Euro-Atlantike nga Ministria e Mbrojtjes e Mbretërisë së Bashkuar, Nick Gurr të shoqëruar edhe nga ambasadori fuqiplotë britanik, Rruari O’Conell, atasheu i Mbrojtjes, nënkoloneli Andy Layton dhe këshilltari britanik i Komandantit të FSK-së, nënkoloneli Jake White.

Në të dy takimet u bisedua për marrëdhëniet dhe bashkëpunimin e deritanishëm si dhe perspektiven e këtyre marrëdhënieve në mes të Republikës së Kosovës dhe Mbretërisë së Bashkuar, respektivisht ministrive të Mbrojtjes të dy vendeve tona.

Ministri Berisha theksoi mbështetjen e vazhdueshme në fushën e mbrojtjes të Britanisë së Madhe si partner strategjik i rëndësisë së veçantë për Republikën e Kosovës. Ministri Berisha e falënderoi Gurr edhe për përkrahjen politike të Britanisë së Madhe në procesin para dhe gjatë transformimit të FSK-së në forcë me mision ushtarak, duke iu referuar në veçanti deklaratës së qartë të Ambasadores së Britanisë së Madhe në Këshillin e Sigurimit: “Kosova, si shtet i pavarur, ka të drejtë t’i ndërtojë forcat e veta të armatosura”.

Ministri Berisha më pas e njoftoi Gurr me ecurinë e zbatimit të Planit Gjithëpërfshirës të Tranzicionit të FSK-së dhe rezultatet konkrete gjatë fazës së parë 120 ditëshe, pas hyrjes në fuqi të ligjeve për Ministrinë e Mbrojtjes dhe FSK-në.

Plani Gjithëpërfshirës i Tranzicionit të FSK-së është përgatitur në bashkëpunim me partnerët dhe zbatohet në mënyrë transparente. Zbatimi i këtij plani është gradual, gjatë 10 vjetëve të ardhshme dhe ndahet në 3 faza.

Duke u bazuar në marrëdhëniet e shkëlqyeshme dypalëshe dhe rolin e Britanisë së Madhe në storjen e përbashkët të suksesit, Ministri kërkoi që përkrahja britanike të intensifikohet edhe më tej duke reflektuar nevojat e FSK-së me mision të ri.

Në adresimin e tij, Gurr uroi fillimisht popullin e Kosovës për 20 vjetorin e hyrjes së trupave të KFOR-it.

Ai e siguroi Ministrin që edhe pas BREXIT-it, rajoni i Ballkanit dhe Kosova në veçanti do ta ketë vëmendjen e Britanisë së Madhe.

Madje, siç theksoi Gurr, Britania e Madhe do të jetë edhe më e angazhuar duke qenë zë i fuqishëm i Kosovës në qëllimin e saj për anëtarësim në NATO, do ta thellojë bashkëpunimin bilateral në fushën e mbrojtjes dhe do ta vazhdojë përkrahjen në tranzicionin e FSK-së.

Në takim Ministri Berisha shprehu gatishmërinë e FSK-së për të marrë pjesë në misione paqeruajtëse në botë. Sipas Ministrit, kjo do të mund të realizohej edhe në kuadër të trupave britanike.

Gurr e falënderoi Ministrin Berisha për gatishmërinë për të marrë pjesë në operacione paqeruajtëse dhe njëherësh e siguroj Ministrin, që kjo mundësi do të shqyrtohet me seriozitet.

Ministri Berisha dhe Gurr në fund u pajtuan që të gjitha detajet e bashkëpunimit të planifikuar për të ardhmen të dakordohen midis ekspertëve të caktuar nga të dy palët.  

Kalendari

Ngjarjet e datës 21 janar 2020 - Agjencia për Mbrojtjen e Mjedisit të Kosovës organizon takimin rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Komuna e Rahovecit mban mbledhjen e parë të rregullt të Komiteti për Politik dhe Financ. (Salla e mbledhjeve të Kuvendit Komunal të Rahovecit, ora 10:00)

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30)

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Komuna e Prishtinës shënon Ditën e Arkivit me promovimin e katallogut të dokumenteve Osmane në Arkivin Komunal të Prishtinës. (Salla e Kuvendit Komunal, ndërtesa e vjeter e Komunës, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)

- Me rastin e vdekjes së ish Kryetarit të Kuvendit të Komunës së Rahovecit, Esat Haxhijaha, kryesuesi i Kuvendit Komunal të Rahovecit Afrim Dina, organizon mbledhjen komomerative, në nderim të jetës dhe veprës së tij. (Salla e mbledhjeve të Kuvendit Komunal të Rahoveci, ora 15:00)

- Komuna e Gjilanit organizon Akademi Përkujtimore për Presidentin Historik Dr. Ibrahim Rugova. (Teatri i qytetit te Gjilanit, ora 16:30)

- Komuna e Rahovecit organizon debat publik me banor të fshatit Opterushë dhe fshatrave për rreth për krijimin e Zonës Ekonomike. (Objekti i Shkollës Fillore të Mesme të Ulët ”Lidhja e Prizrenit” në fshatin Opterushë, ora 17:00)