11 Korrik 2020

Bashkëpunimit mes Kosovës dhe Turqisë në fushën e drejtësisë

Prishtinë, 11 maj - Ministri i Drejtësisë, Haki Demolli, priti sot në një takim pune një delegacion nga Akademia Gjyqësore e Turqisë, kryesuar nga zëvendëspresidenti i kësaj akademie, Sani Sezai Ural.

Në këtë  takim u bisedua për thellimin e bashkëpunimit ndërmjet Kosovës dhe Turqisë në fushën e drejtësisë.

Ministri Demolli falënderoi delegacionin nga Turqia për ndihmën që shteti turk ka dhënë dhe është duke dhënë për Kosovën. Sipas ministrit Demolli, me rendësi të veçantë për Ministrinë e Drejtësisë është ndihma që Turqia është duke e dhënë në sistemin e drejtësisë.

Edhe zëvendëspresidenti i Akademisë Gjyqësore të Turqisë Sani Sezai Ural pohoi se vizita e këtij delegacioni në Kosovë ka për qëllim arritjen e disa marrëveshjeve në segmentin e sistemit të drejtësisë, të cilat do të shërbejnë në të mirë të dy vendeve.

Delegacioni nga Akademia Gjyqësore e Turqisë, zhvilloi takim të veçantë edhe me udhëheqësit e Shërbimit Sprovues të Kosovës, të cilët e njoftuan për punët dhe sfidat e këtij shërbimi. 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)