26 Maj 2020

Bashkëpunimi ministri-gjykatë krijion sistem unik të drejtësisë

Prishtinë, 20 prill - Ministri i Drejtësisë së Republikës së Kosovës, Haki Demolli, priti sot në një takim pune kryetarin e Këshillit Gjyqësor të Kosovës, Enver Peci, nga i cili pranoi urimet për zgjedhjen e tij në postin e ri.

Ministri Demolli e ka njoftuar kryetarin Peci me prioritetet që ka si ministër i Drejtësisë, duke theksuar hartimin e legjislacionit që është paraparë në strategjinë legjislative të MD-së, si dhe eliminimin e sfidave që kanë dalë nga raporti i progresit i Komisionit Evropian, i vitit të kaluar.

Në këtë takim, ministri Demolli e informoi kryetarin Peci edhe me kalimin e leximit të parë, në Kuvendin e Kosovës, të Projektligjit për Gjykata. Gjithashtu, u bisedua edhe për sfidat që e presin bashkëpunimin e ardhshëm të të dyja palëve në drejtësi.

Ministri Demolli, tha se puna e përbashkët ndërmjet Ministrisë së Drejtësisë dhe Këshillit Gjyqësor të Kosovës, duhet të çojë në krijimin e një sistemi unik të drejtësisë, sipas standardeve evropiane, duke shmangur paralelizmat e mundshme.

Po ashtu, në këtë takim ministri Demolli shprehu gatishmërinë dhe vullnetin e tij për krijimin e të gjitha kushteve të punës për gjyqtarë dhe prokurorë, duke e ruajtur gjithmonë pavarësinë e gjyqësorit.

Të dyja palët u dakorduan se do të punojnë ngushtë në luftën kundër korrupsionit, trafikimit me qenie njerëzore, krimit të organizuar, krimit ekonomik, etj, si dhe bashkërisht të sigurojnë sundimin dhe përforcimin e ligjit në Kosovë.

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)