02 Shkurt 2023

ASK dialogon me kryetar të komunave për regjistrimin e popullsisë

Prishtinë, 6 dhjetor - Agjencia e Statistikave të Kosovës (ASK) mban sot takim konsultativ me Kryetar dhe përfaqësues të Komunave të Republikës së Kosovës.

Qëllimi i takimit është dialogu me përfaqësues të nivelit lokal, kryetar komunash, e përfaqësues të institucioneve lokale në Republikën e Kosovës, lidhur me organizimin dhe mbarëvajtjen e aktiviteteve të Regjistrimit të popullsisë në Kosovë.

Bazuar në Ligjin për Regjistrimin e Popullsisë, Ekonomive Familjare dhe Banesave në Kosovë, roli dhe përgjegjësitë e komunave në Kosovë përcaktohen në kuadër të Komisioni Komunal i Regjistrimit (KKR), i cili formohet në secilën komunë. KKR-ja përfaqëson strukturën etnike të popullsisë, duke marrë në konsideratë edhe dispozitat ligjore për përfaqësimin e komuniteteve jo shumicë.

KRK-ja është institucioni përgjegjës së bashku me ASK-në, për organizimin, sigurimin e resurseve humane e teknologjike, sigurimin e hapësirave për trajnime dhe aktivitete e tjera para datës së fillimit të Regjistrimit të popullsi në vend.

Zbatimi i të gjitha masave normative dhe delegimi i përgjegjësive në kohë ndikojnë drejtpërsëdrejti në cilësinë dhe saktësinë e të gjitha aktiviteteve operacionale të projektit nacional të Regjistrimit të Popullsisë.

Agjencia e Statistikave të Kosovës, dhe përfaqësuesit e komunave në Kosovë do të diskutojnë këto dhe tema tjera të rëndësishme mbi qasjet implementuese, praktikat dhe modelet më të mira shtetërore për organizimin dhe mbarëvajtjen e procesit të Regjistrimit të Popullsisë në vend.
 
Viti 2023 sipas ASK-së do të jetë viti i Regjistrimit të popullsisë që nënkupton realizmin e projektit më të madh statistikor në vend, në ditën referuese 1 shtator 2023 (dita e Regjistrimit).

Organizimi i këtij takimi  konsultativ mundësohet nga programi i Asistencës Teknike, financuar nga UNFPA Fondi për Popullsi i Kombeve të Bashkuara Zyra në Kosovë.

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)