09 Korrik 2020

Anders Fogh Rasmussen viziton Kosovën

Prishtinë, 19 maj - Të premtën, Këshilli Veri Atlantik, i udhëhequr nga Sekretari i Përgjithshëm i NATOs, Anders Fogh Rasmussen, do të vizitojë KFOR-in.

Kryesuesi i Komitetit Ushtarak të NATOs, Admirali Gianpaolo di Paola, dhe Komandanti i Forcave të Përbashkëta Aleate të komandës në Napoli, Admirali Mark Fitzgerald, do të jenë gjithashtu prezent.

Duke vizituar KFOR-in, anëtarët e Këshillit Veri Atlantik dëshirojnë të marrin prova të dorës së parë për përmirësimet në situatën e sigurisë në Kosovë. Në fillim të vizitës, delegacioni do të informohet nga komandanti i KFOR-it, Lejtnant Gjeneral Markus Bentler.

Sekretari i Përgjithshëm i NATOs është zyrtari më i lartë i Aleancës. Ai është përgjegjës për drejtimin e procesit të konsultimeve dhe vendimmarrjes në Aleancë dhe që të sigurohet së vendimet zbatohen.

Këshillit Veri Atlantik është trupi kryesor politik vendimmarrës brenda NATOs. Ai i mbledh përfaqësuesit e nivelit të lartë të secilit vend anëtar për të diskutuar politikat dhe temat operacionale të cilat kanë nevojë vendime kolektive.

Thënë shkurtimisht, ai ofron një forum për konsultime të gjërësishme ndërmjet anëtarëve mbi të gjitha çështjet të cilat afektojnë paqen dhe sigurinë.

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)