18 Janar 2021

AKR: Koalicioni PDK-LDK i dështuar në bashkëqeverisje

Prishtinë, 11 tetor - Partia opozitare Aleanca Kosova Re, ka konstatuar se Kosova po vazhdon të ballafaqohet me sfida politike, ekonomike e të sigurisë së përgjithshme në vend. Sipas Shefki  Abdullahu, këshilltar për politikë dhe siguri nacionale në AKR, fajtor kryesor për një gjendje të tillë, është dështimi sistematik i bashkëqeverisjes aktuale të dy subjekteve më të mëdha politike në vend.

“Deri më tani, e gjithë kjo tregon qartë, se Qeveria e koalicionit në fjalë  nga momenti i marrjes se pushtetit, dështoi në realizimin e premtimeve të dhëna qytetarëve të Kosovës, e madje nuk plotësoi as kërkesat më elementare të tyre, e mos të flasim për premtimet e tjera politike sikur rasti i implementimit të strategjisë shumë të përfolur për Integrimin e Veriut të Mitrovicës e cila dita ditës është duke dështuar”, tha Abdullahu.
Ai tha se siguria në vend është e qëndrueshme, kurse në Veri të Mitrovicës vazhdon të jetë e brishtë dhe pjesërisht e kontrolluar nga institucionet relevante vendore dhe ndërkombëtare edhe pse ditëve të fundit, aksionet e përbashkëta të SHPK-së dhe EULEX-it në mbështetje të plotë të KFOR-it, janë inkurajuese.


“Aleanca Kosova e Re duke marrë parasysh situatën aktuale politike, kërkon nga institucionet e Republikës së Kosovës një bashkëpunim të plotë me institucionet ndërkombëtare të akredituara në Kosovë, të koordinojnë veprimet e përbashkëta përmes institucioneve relevante në bazë të përgjegjësive që kanë dhe të ndërmarrin hapa konkret në fushat specifike”, tha ai.

Ai tha se AKR-ja ka 6 rekomandime për institucionet e Kosovës se si mund të arrihet deri te stabiliteti politik.

Rekomandimet e AKR-së:

1. Intensifikimi i luftës kundër krimit të organizuar dhe korrupsionit dhe rikthimin e sundimit te plotë të rendit dhe ligjit  dhe kontrollin e  plotë kushtetues në tërë territorin e Kosovës, posaçërisht në veri të Kosovës,
2. Vazhdimësinë e aktiviteteve të përbashkëta të SHPK-së dhe EULEX-in në mbështetje të plotë të KFOR-it në futjen e kontrollit të plotë në veri të Kosovës dhe kthimin e shërbimit doganor në pika doganore 31 dhe 1,
3. Vazhdimësia sistematike e strukturave zyrtare vendore dhe ndërkombëtare për organizimin e aksioneve speciale për konfiskimin e armëve ilegale në tërë territorin e Kosovës e posaçërisht në pjesën veriore të Kosovës,
4. Intensifikimin e aktiviteteve për shuarjen e të gjitha institucioneve ilegale dhe eliminimin e plotë të grupeve të kontrabandave të cilat veprojnë në veri të Kosovës si faktorët kryesor për destabilizime sporadike, të cilat në vazhdimësi sfidojnë sigurinë e qytetarëve dhe institucioneve ndërkombëtare të akredituara në Kosovë dhe njëkohësisht ulin imazhin e Republikës së Kosovës në rrafshin e brendshëm dhe atë ndërkombëtar,
5.  Rikthimin gradual të administratës së pushtetit lokal në shërbim të të gjithë qytetarëve në komunat e Mitrovicës veriore dhe nën mbikëqyrje të plotë nga institucionet vendore dhe ndërkombëtare,
6. Përgatitja graduale e SHPK-së në bashkëpunim të plotë me organet përkatëse për mbajtje të rendit dhe ligjit dhe krijimin e ambientit demokratik dhe të sigurisë së plotë për të gjithë qytetarët e Kosovës, posaçërisht gjatë periudhës së mbajtjes së zgjedhjeve të parakohshme parlamentare deri në rezultatet përfundimtare të dala nga vota e lirë e qytetarëve të Kosovës.

“AKR-ja konsideron se pas realizimit të suksesshëm të gjashtë fushave të lartpërmendura, institucionet ekzekutive vendore të dala nga zgjedhjet e parakohshme parlamentare dhe ato ndërkombëtare do të krijojnë stabilitet politik, qeverisje më të mirë dhe efektive, lëvizje të lirë dhe siguri të plotë për të gjithë qytetarët e Kosovës, zhvillim ekonomik dhe integrim të Kosovës në mekanizmat ndërkombëtar, me prioritet të veçantë integrimin në BE dhe në NATO”, tha Abdullahu.

 

Kalendari

Ngjarjet e datës 18 Dhjetor 2020

- Ministria e Punëve të Brendshme bën përurimin e aneks-objektit të Agjencisë së Kosovës për Forenzikë. (Objekti i Agjencisë, që gjendet afër ish-fabrikës së amortizatorëve, ora 9:30)

- Mbahet seanca gjyqesore ndaj te pandehures Mimoza Pajaziti. (Gjykata Themelore në Ferizaj, Salla nr.II, ora 9:30)

- Me rastin e fillimit të gjysëmvjetorit të dytë të vitit shkollor kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të vizitojnë shkollën fillore "Lekë Dukagjini" dhe Gjimnazin "Remzi Ademaj", ora 10:00. (Nisja e organizuar nga Shtëpia e Bardhë, ora 9:40)

- Këshilli Prokurorial i Kosovës mban takimin e 193-të në të cilin pritet të votohet për Kryesuesin dhe Zëvendëskryesuesin e ri të Këshillit Prokurorial të Kosovës. (Online, ora 10:00)

- Mbahet seanca gjyqesore ndaj te pandehurit Emin Stublla për vrasje në tentativë. (Gjykata Themelore në Ferizaj, Salla nr.II, ora 10:00)

- Ministri në detyrë i Drejtësisë, Selim Selimi do të mbajë konferencë për media. (Holli i Ministrisë së Drejtësisë, ora 11:00)

- Ministrja e Kulturës, Rinisë dhe Sportit, Vlora Dumoshi do të ndajë çmimin vjetor “Anton Çetta”. (Ambientet e Bibliotekës Kombëtare të Kosovës, ora 11:00)

- Kryeministri në detyrë, Avdullah Hoti, merr pjesë në Inaugurimin e shkollës “Dëshmorët e kombit” në fshatin Dobresh të Komunës së Vitisë. (Dobresh, Komuna e Vitisë, ora 14:00)

- Aleanca për Ardhmërinë e Kosovës, prezenton Programin Zgjedhor 2021-2025. (Biblioteka Kombëtare, ora 15:00)