07 Korrik 2020

AAK - PSD premtojn shkurtim të numrit të ministrive

Prishtinë, 25 shtator - Shqipe Pantina nga Partia Socialdemokrate dhe Besnik Tahiri nga Aleanca për Ardhmërinë e Kosovës, kanë mbajtur sot një konferencë të përbashkët për media, ku kanë shpalosur pjesë nga planprogrami qeverisës i koalicionit AAK-PSD për reformimin e administratës shtetërore si dhe synimin për ta miratuar Ligjin për Qeverinë, përmes të cilit shkurtohet numri i ministrive, zëvendësministrave dhe numrit ta panevojshëm të zyrtarëve qeveritarë.

Kandidatja për deputete dhe nënkryetarja e PSD-së, Shqipe Pantina, ka thënë se në kuadër të reformës së administratës, synohet në pikë të parë digjitalizimi i procesit të rekrutimit të punëtorëve, në sektorët e administratës shtetërore, arsimit e shëndetësisë.

“Synimi jonë për qeverinë e ardhshme, është që e para, të fillojmë digjitalizimin e procesit të rekrutimit. Kjo nënkupton se i gjithë aplikimi për të gjitha pozitat në administratën publike, e kur themi administratën publike, nënkuptojmë administratën shtetërore, pra ministritë, arsimin dhe shëndetësinë, do të bëhet në formë digjitale."

"Aplikimi do të jetë online dhe testi do të jetë baza e vlerësimit. Pra 70% e vlerësimit do të bazohen në testin, i cili do të bëhet në formë anonime. Pra aplikuesi do të ketë shifrën e vet dhe i gjithë vlerësimi do të bëhet pa e ditur emrin e kandidatit”, tha znj. Pantina.

Ajo shtoi se përmes këtij veprimi, qeverisja e ardhshme synon ta rrisë transparencën në punësim si dhe cilësinë në arsim dhe shëndetësi.

Ndërkaq Besnik Tahiri foli për Ligjin për Qeverinë, sipas të cilit do të shkurtohet numri i ministrive. Ai ka thënë se ekzistojnë dy versione të propozuara, ai me 12 ministri dhe si dhe tjetri me 15 ministri, që është propozim i preferuar nga vetë ai.

“Ligji për Qeverinë ëshë i përfunduar. Unë kam qenë kryetar i Komisionit për hartimin e këtij ligji. Ky ligj i ka kaluar të gjitha procedurat dhe në kam propozuar dy versione. Versioni me 12 ministri, që është një reformë rapide, të cilën unë nuk e mbështesë në parim sepse e çrregullon totalisht atë që kemi ndërtu qe 20 vjet. Versionin që unë e kam rekomandu te Kryeministri, është ai me 15 ministri”, ka thënë tutje zoti Tahiri para gazetarëve.

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)