19 Korrik 2019

Viti i shpresës për Zjarrfikësit e Kosovës

Shkruar Tahir Ahmeti

Sot është 4 Maji – Dita Ndërkombëtare e Zjarrfikësve Shpëtues. Dita e zjarrfikësve njihet si festë mbarëbotërore që nga viti 1999.

Me 4 janar të atij viti, një zjarr i madh, tragjikisht u mori jetën pesë zjarrfikësve në Australi, dhe qysh nga atëherë në nderim të sakrificave të zjarrfikësve festohet si festë ndërkombëtare.

Zjarrfikësit në këtë ditë feste për ta, pavarësisht se nga çfarë vendi vijnë, çfarë uniforme veshin apo çfarë gjuhe flasin, ndjehen krenarë, sepse krahas punës së rrezikshme profesionale që e bëjnë, ata janë të vetëdijëshëm se kanë një profesion krejtësisht human dhe janë gjithmonë në shërbim të sigurisë së qytetarëve dhe mbrojtjes së pronave të tyre.

Shërbimi i Zjarrfikjes dhe Shpëtimit në Kosovë, mundë të themi lirisht se që nga paslufta ka mbetur thuajse i patrajtuar nga institucionet, as profesionalisht, as juridikisht e as teknikisht duke bërë që zjarrfikësit e Kosovës ta ndjejnë vetën si punëtorë të rendit të dytë, dhe asnjëherë, apo të paktën në këtë ditë feste, të mos e ndjejnë krenarinë për profesionin e tyre, siç e kanë zjarrfikësit e botës demokratike.

Duhet cekur gjithashtu se tek ne, zjarrfikësit shpëtues deri vonë në një farë forme kanë qenë të margjinalizuar edhe nga shoqeria në përgjithësi, për punën e tyre që kanë zgjedhur.

Tash e sa vite këta punëtorë të sigurisë, që në botë konsiderohen si heronjë, tek ne nuk kanë sigurime shëndetësore, nuk kanë mjete dhe pajisje adekuate për punë, nuk i’u kanë kompenzuar ndrrimet e natës, orët jashtë orarit, festat shtetërore dhe fetare, pra një varg problemesh kanë rënduar mbi kokën e këtyre punonjësve të shërbimit të zjarrfikjes dhe shpëtimit, që konsiderohen si një prej institucioneve të rëndësishme të sigurisë në Kosovë.

Fatmirësisht, pas shumë e shumë viteve mundë e sakrificë, zhgënjim e injorim institucional, gjatë këtijë viti zgjidhja e problemeve të zjarrfikësve të cilët janë neglizhuar ndër vite, po duket që po merr kahje pozitive.

Qeveria e Kosovës, respektivisht Kryeminstri i saj Haradinaj, ashtu siç kishte premtuar në takim me përfaqësuesit e sindikatës dhe zjarrfikësit e Kosovës në Nëntor të vitit të kaluar, ka mbajtuar fjalën ndaj kësaj kategorie të punëtorëve, duke bërë pagesën e orëve shtesë në mënyrë retroaktive për gjashtëmujorin e fundit të vitit 2018, për të gjithë zjarrfikësit e sektorit publik në Kosovë, dhe e njejta gjë është premtuar që të vazhdojë edhe gjatë vitit 2019.

Se ky vit mundet me të vërtet të konsiderohet si viti i shpresës për zjarrfikësit e Kosovës, janë edhe  premtimet e Qeverisë dhe deklaratat e Kryeministrit i cili ka dhënë orientimin mbështetës për zgjidhjen e statusit të zjarrfikësve, madje duke premtuar që zjarrfikësit do ti kthej në një forcë nacionale, të kenë një strukturë udhëheqëse shtetërore e cila është e gatshme për të  intervenuar për të mirat nacionale dhe për të shpëtuar jetë në vend, por nëse kërkohet, për të dalur në përkrahje edhe në rajon dhe më gjerë, si dhe është premtuar ndarja e mjeteve për blerjen e mjeteve dhe pajisjeve të reja, për shërbimin e zjarrfikjes dhe shpëtimit.

Gjithashtu si një e arritur mjaft e madhe për këtë shërbim gjatë këtijë viti, është trajtimi i dinjitetshëm i tyre, në ligjin e ri për pagat, të miratuar në Kuvendin e Kosovës. Me këtë ligj, zjarrfikësit do të kenë koificinetin e njejtë me Policin e Kosovës, si edhe do të i’u paguhet shtesa e rrëzikshmëris për punën specifike që e kryejnë.

Gjithësesi që mbetet akoma punë për të bërë në këtë drejtim, duhet monitorim i vazhdueshëm dhe kërkesë për zbatimin e këtyre premtimeve, ndërsa si sfidë mbetet zgjidhja e statusit juridik të zjarrfikësve shpëtues në tërë territorin e Kosovës, duke u definuar njëherë e qartë kompetencat menaxhuese, përmirësimi i kushtëve të punës, si dhe i mjeteve dhe pajisjeve të zjarrfikësve, në mënyrë që ata të kryejnë punën e vet në shërbim të sigurisë së qytetarëve.

Urime 4 Maji për gjithë Zjarrfikësit Shpëtues të Kosovës.

/Autori është njohës i çështjeve të emergjencave dhe bashkë-themelues i Qendrës Kërkimore për Politika të Sigurisë/


 

Kalendari

Ngjarjet e datës 19 korrik 2019

- Ekipi i Luftimit të Brigadës së Këmbësorisë së 44-të, Garda Kombëtare e Ushtrisë së New Jersey do të marrë komandën e MNBG-E nga Ekipi i Luftës së Brigadës së 29-të të Mbrojtjes së Këmbësorisë, Gardës Kombëtare të Ushtrisë së Hawaii ku menjëherë pas ceremonisë do të mbahet një konferencë shtypi. (Camp Bondsteel, ora 9:00)

- Klinika e Kirurgjisë Vaskulare, në bashkëpunim me Katedrën e Kirurgjisë dhe Fakultetin e Mjekësisë mbajnë mbledhje komemorative, me rastin e vdekjes së Prof.dr. Gazmend Shaqiri. (Amfiteatri i Dekanatit të Fakultetit të Mjekësisë, ora 9:00)

- Komisioni për Shëndetësi, Punë dhe Mirëqenie Sociale i Kuvendit të Kosovës do të mbajë dëgjim publik për Projektligjin e Punës. (Hotel Sirius, ora 10:00)

- Mbledhja e komisionit për Mbikëqyrjen e Financave Publike në të cilën do të behët shqyrtimi i raportit të Auditimit të Kompanisë Regjionale 'KRU Prishtina', të Ndërmarrjes Publike ,,Posta e Kosovës", etj. (Ndërtesa e Kuvendit, salla N 302, ora 11:00)

- Drejtori i Përgjithshëm i ATK-së Ilir Murtezaj do të mbaj konferencë për media, në të cilën do të prezantohen të arriturat e Administratës Tatimore të Kosovës për periudhën Janar-Qershor 2019. (Zyra qendrore e ATK-së, ora 11:00)

- Kryeministri Ramush Haradinaj pret në takim një delegacion prej 56 studentësh të programit Akademia Verore, nga 28 shtete të ndryshme. (Ndërtesa e Qeverisë, ora 12:00)

- Grupi i Aktivisteve protestojnë para policisë në Fushë Kosovë për të mos lejuar që përdhunimet e vrasjet të fshihen brenda mureve të Policise dhe Prokurorise që sipas tyre më së paku i mbrojnë. (Marrshimi nis nga lagja Meshari te pazari për të vazhduar drejt stacionit policor në Fushë Kosovë, ora 14:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 15:00)
 
- Matt Taylor, regjisor i “Rick & Morty Exquisite Corpse”, prezanton filmat e animuar në kuadër të Festivalit Ndërkombëtarë të Filmit të Animuar - Anibar. (Kinema “Jusuf Gërvalla” në Pejë, ora 14:00)

- Në kuadër të aktiviteteve "Ditët e Diasporës 2019" në përkujdesjen e Kryetarit të Komunës së Deçanit, Bashkim Ramosaj në Deçan behët hapja e Panairit Verorë 2019. (Qendra e qytetit të Deçanit, ora 16:00)
 
- Fondacioni Lumbardhi prezanton ekspozitën 'Kino e artistit' Vladimir Miladinović. (Kinema Lumbardhi, ora 19:30)

- Fondacioni Lumbardhi organizon koncertin e këngëtares kroate te pop dhe jazz, Vesna Pisaroviç Quartet: "The Great Yugoslav Songbook". (Kinema Lumbardhi, ora 21:00)