12 Dhjetor 2018

Thashethemet në Kosovë, modë e veprimit politik

Shkruar nga Bahri Bivolaku

Se shqiptarët kanë prirje për t’i hiperbolizuar gjërat e kam pasur të qartë kaherë, pasi shpesh mizën e kanë bërë buall dhe në këtë kontest shihet edhe zhurma e ngritur shpeshëherë për dhe rreth veprimtarisë së SHIK-ut në Kosovë.

Ca liderë politikë, deputetë të Kuvendit të Kosovës këtë mekanizëm të shpërbërë kaherë e shohin fajtorin për të gjitha të këqijat e Kosovës.

Beteja e humbur politike për tha dhe fajtori dihet, SHIK-u. Të tillët nuk kursejnë asgjë për të shënjuar e thënë për të keq një kohë të caktuar, një elitë të caktuar veprimtarësh me dëshirën e presionit të opinionit shoqëror të bëjë viktimën sikur kohën ashtu edhe elitën.

Po mendojnë që roli i të qenurit “viktimë” u sjellë favore politike dhe shfajësime për dështimet para elektoratit të vet.

Të akuzosh SHIK-un e dikurshëm vazhdimisht dhe atë me gjuhën më të vrazhdë të mundur si organizatë kriminale edhe pse asnjë mekanizëm i drejtësisë, qoftë vendore a ndërkombëtare nuk e vlerëson si të tillë, madje nga partnerët tanë ndërkombëtar, drejtuesit e këtij mekanizmi respektohen shumë dhe për ta janë bashkëpunëtor të shkëlqyer.

Tek popullata vendore janë respektuar në masë të madhe dhe kjo gjë u dëshmua në të gjitha zgjedhjet.

A thua këta zhurmagjinj, të cilët po e hiperbolizojnë e fajësojnë forcën e këtij mekanizmi të dikurshëm, po të ishte ky i fundit aq i organizuar si në numër e strukturë, a do ta kishin guximin për të bërë zhurmë sa herë të dalin në opinion apo para faltores së Kuvendit?

Cila na qenka demokracia kur një individ, e në rastet konkrete një politikan a deputet merr drejtësinë në dorë dhe thotë se kjo organizatë është kriminale, gjersa kjo tjetra nuk është?

Pse në Kosovë tolerohet që kaq lehtë të preket krenaria e të tjerëve për një të kaluar?

Thashethëmet në Kosovë janë bërë modë e veprimit politik dhe e etiketimeve të personaliteteve në politikën rivale.

Ato madje kanë filluar të përdoren si mjet i politikës, e cila padyshim që do ta lodhë qytetarin, pasi që siç thotë një thënie: “Thashethëmet janë arti i të thënit hiç gjë, në atë mënyrë që nuk le asgjë pa thënë”.

Në shtetet, shoqëritë e të cilave aspirojnë demokracinë, bërja e politikës me thashethëme është vërtetë një hap që e kthen prapa.

E njohur si spiune Mata Hari, e famshme nuk u bë se kishte një histori të dokumentuar të veprimtarisë a zhvilluar ndonjë aktivitet të spiunazhit ndaj akcilit vend a komb.

Ajo u shqua dhe dallua pas ekzekutimit të saj në mënyrë dramatike, por që më vonë u kuptua se ishte viktimë e presionit të opinionit shoqëror e medial për të treguar se gjoja politika po bënë diçka dhe po zhvillon aktivitet siç po mundohet të bëjë dikush tani në Kosovë.

Sa herë që ca oponentë politikë dëshirojnë të faktorizohen, zgjohen nga gjumi i thellë, nga mosveprimi në kohë e hapësirë dhe gjenë si adresë të fajtorit ish SHIK-un.

 

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Fondi për të Drejtën Humanitare Kosovë në kuadër të projektit "Mbështetja në procedimin e krimeve  të luftës të kryera gjatë luftës në ish-Jugosllavi" me partnerët Dokumenta nga Zagrebi dhe Fondi për të Drejtën Humanitare nga Beogradi organizon konferencën më temë 'Mbështetja  në procedimin e krimeve të kryera në luftëra të ish-Jugosllavisë'. (Hotel Sirius, ora 10:00)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)