12 Nëntor 2019

Tekstet e reja shkollore

Letër e hapur Ministrit në detyrë të MASHT-it

Shkruar nga Prof.Dr. Naim Syla

Me datë 05 shtator në emisionin e lajmeve qendrore të orës 20:00 të TV Klan Kosovës, u prezantua një material për tekstet e reja shkollore. Prezantimi u dominua nga informacione jo të mira për kualitetin e teksteve.

Një pohim i tillë tashmë është i ditur dhe i njohur po thuaj se për të gjithë  mësimdhënësit, nxënësit dhe prindërit.

Për  një rreth më të ngushtë përfundimi ishte i ditur që më parë, gjykuar në krejt procesin, i cili fillim e mbarim ishte me shkelje të mëdha.

Për këtë u raportua në programet tona televizive dhe  u shkrua në të përditshmet. Por, ajo që më bëri përshtypje atë natë ishte arsyetimi i ministritë në televizion.

Me gjakftohtësi arsyeton se ky është një pilotim i teksteve mësimore, prandaj nëse ka lëshime do të eliminohen vitin tjetër.

Sinqerisht nuk kam mundur ta kuptoj gjakftohtësinë  dhe arsyetimin e tij. Unë me sa kuptoj pilotim do të thotë provë, eksperiment.

Që i bie nëse është mirë vazhdojmë, e nëse nuk është i ndryshojmë kushtet, në rastin tonë librat. E para, ju ministër duhet ta dini se nuk është mirë tërë sistemi arsimor të pilotohet.

Ma thoni vetëm një shembull paraprak që është pilotuar i tërë sistemi. Ose, krejt në bazë të ligjit pse nuk ju dhatë mundësinë të gjithë atyre që kaluan pragun e standardit të futen në pilotim? E dyta, kush do t’i bëjë ndryshimet vitin tjetër?

Besoj se e dini se tek ne nuk ka  vazhdimësi të udhëheqjes, ose ndodhë rrallë herë. Nuk është mirë të propozoni zgjidhje për vitin tjetër, edhe më saktë të i tregoni atij që vjen se çfarë duhet bërë për të mbuluar turpin e këtij procesi.

Po e them kështu sepse po dua të besoj  se më në fund në krye të MASHT-it mund të vij një njëri i duhur ose pak më i qëlluar se ju.

Në çdo deklaratë tuajën për tekstet shkollore, ju arsyetoheni se me konkursin dhe ligjin jeni mirë. Nuk është ashtu ministër. Vetëm një shembull po ju sjelli, të cilin besoj se të gjithë të interesuarit do ta kuptojnë.

Për tekste shkollore kishte konkurs publik të shpallur në web faqen e MASHT-it. Pika II.6 e konkursit thotë: Dorëshkrimet duhet të përmbajnë referenca për të dhënat dhe burimet e informacionit që përmban teksti. 

Kërkesa e konkursit është mjaft e qartë, nuk thotë mundet ose është mirë, por prerazi e thotë duhet. Se a është respektuar kjo pikë, e për mua i bie se a është respektuar konkursi ju dhe të gjithë të tjerët mund ta vërtetoni.

Për mosrespektim të konkursit keni obligim të ndërmerrni masa, duke filluar nga vartësit e tu e deri tek recensentët.

Tek e fundit përgjegjësin për shkelje e keni premtuar çdo herë. Në të kundërtën cila është logjika e konkursit, kozmetikë ligjore ose, çka tjetër?!

Këtë kriter të konkursit mund ta vërtetojnë  për të gjitha tekstet mësimore edhe lexuesit e tjerë.

 Ndërsa, sa i përket kualitetit të teksteve mësimore do të ishte mirë të hapet debat në nivele profesionale, edhe për këtë është dashur ju ta mendonit mirë. 

Përfundimisht, çfarëdo që ndodhë dhe kudo që shkoni mbajeni mend se fatura e mossuksesit për tekstet shkollore përjetësisht ju takon juve.
 

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)