12 Dhjetor 2018

Të rinjët e politikës apo mendjemëdhenjët e mbingarkuar

Shkruar nga Bahri Bivolaku

“Mos i bjerë shkelm kosheres që dëshiron t’i marrësh mjaltin.” – thotë një proverb amerikane, të cilën liderët partiak e përdorin në raste të rralla, e që po ta përdornin gjithnjë, sigurisht që efekti politik do të ishte shumë më i madh për ta personalisht, por edhe për partinë të cilës i takojnë.

Të kritikosh e akuzosh të tjerët nuk është gjithaq veprim që sjellë dobi, veçanërisht atëherë kur nuk e ke ndonjë arsye të madhe. Liderët duhet të kursehen nga akuzat e atakimet publike pa marrë parasysh etiketën e vënë nga kritikuesi. Janë vartësit e tyre ata që duhet të reagojnë, flasin, kundërshtojnë, etj.

Ishte befasuese për mua se si në seancën e fundit të Kuvendit të Kosovës, zoti Abdixhiku edhe pse i ri në moshë por dhe politikë, synon të ndërtojë karrierë politike me metoda të vjetra e të konsumuara.

Më befason fakti se këta politikanë të sapoformuar po e përdorin gjuhën politike bardhë e zi edhe pse të proklamuar apo vetëklasifikuar si të dalë nga një elitë e shoqërisë civile, ani pse ka kohë që në demokraci elita nuk konsiderohet si e arritur e shoqërisë, por si grupim i mendjemëdhenjëve të mbingarkuar.

Të tillët duhet ta kenë të qartë se pozicionin ku mbaron politika dhe fillon kriminaliteti e vendos Gjykata dhe jo vet politika. Mendoj që roli i politikës e veçanërisht politikës synuese të një brezi të rinjësh, nëse e don ekzistencën është që të nxisë krijimin e alternativave për të mirën e përbashkët dhe ta kapërcejë hendekun midis kritikës dhe veprimit konkret politik.

Edhe ky brez politikanësh, po sikur ai i vjetri, mungesën e alternativës karshi partive që kanë pushtetin po mundohet ta kompozojë nga demonizimi i kundërshtarit, ku polarizimi nuk përdoret më si rezultat i kundërshtive.

Ai është kthyer në tendencën për zëvendësim, e cila për qytetarët sjellë konkluzionin: “Ndoshta këta që po qeverisin janë të këqinjë, porse këta që dëshirojnë të vijnë janë edhe më të këqinjë.” Mënyra e tillë e vjetër e të bërit politikë, e që për fat të keq po përcillet nga një brez i ri i politikanëve, me të madhe po kontribuojnë jo në krijim të alternativave, por në humbje të imazhit të jashtëm të Kosovës, gjersa brenda saj me këto qëndrime dhe këtë gjuhë politike e ndihmojmë rritjen e vargut të qytetarëve të zhgënjyer nga politika. Thonë që kritika pa dhënë alternativën e zgjedhjes së problemit të ngritur kthehet atje nga ku është nisur.

Abraham Lincoln në një fjalim të tij thotë: “Një pikë mjalti tërheqë më tepër miza sesa një litër uthull.” E dhënia e alternativës për politikën aktuale në vend është vet mjalta dhe këtë gjë duhet ta kuptojë brezi i ri i politikës, në vend se ta imitojnë në veprim brezin e vjetër.

Kosovës, skemës së saj politike, nuk i duhen imituesit e rinjë të politikës së vjetër, i duhen të rinjë që bartin mbi supet e tyre koncepte të reja të mënyrës së të bërit politikë.

Politika në Kosovë me synim europian, thelb të programit të saj duhet ta ketë dinjitetin njerëzor si pikënisje, gjersa krijon ambient që kundërshtitë të zhvillohen me dinjitet njerëzor.

Qytetarët e Kosovës kanë filluar të ngopen me politikën e vjetër pa marrë parasysh akterët të rinjë në moshë apo të vjetër dhe me të drejtë presin ndryshime e reformime të vet partive politike.

Brezi i ri i politikës duhet jo të ecë rrugës së vjetër, por të krijojë mundësinë për të bërë kapërcimin kualitativ politik e qeverisës në Kosovë me promovim të kursit europian të bërjes së politikës, duke i dhënë gjallërinë dhe kreativitetin e saj për t’u zhvilluar nga diskutimet mes përdorimit racional të kapitalit që ka vendi dhe nevojave të qytetarëve.

Një debat i tillë i hapur me të gjithë, rigjallëron politikën në Kosovë dhe eliminon personifikimet politike e personalizimet.

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Fondi për të Drejtën Humanitare Kosovë në kuadër të projektit "Mbështetja në procedimin e krimeve  të luftës të kryera gjatë luftës në ish-Jugosllavi" me partnerët Dokumenta nga Zagrebi dhe Fondi për të Drejtën Humanitare nga Beogradi organizon konferencën më temë 'Mbështetja  në procedimin e krimeve të kryera në luftëra të ish-Jugosllavisë'. (Hotel Sirius, ora 10:00)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)