22 Maj 2018

Skandalet me veteranë

Shkruar nga Gani Qarri

Më 14 maj të vitit 1948, David Ben Gurion dhe 36 bashkëpunëtorët e tij, nënshkruan Deklaratën e Pavarësisë së Izraelit. Sipas kalendarit hebraik, të enjten më 19 prill 2018,u festua 70 vjetori i Pavarësisë. Ata ishin njerëzit që u përbetuan të krijonin shtetin izraelit me çdo çmim.

Për ndryshim nga hebrenjtë, në Kosovë, sikur është kuptuar çdo gjë ndryshe. Madje edhe përbetimi sikur nuk është bërë për të krijuar dhe ndërtuar shtet, por për të zhvatur dhe përfituar çdo gjë për vete në kurriz të qytetarëve dhe shtetit tonë të brishtë.

Kjo vlen edhe sa u takon veteranëve. Çdo gjë qysh në fillim ka nisur mbrapsht. Pikësëpari nga statusi i veteranit, do duhej përjashtuar me vendim të prerë, të gjithë ata të cilët nga qershori deri në fund-shtator të vitit 1998 i dorëzuan armët e UÇK -s, policisë pushtuese serbe.

Për këtë ngjarje të pazakontë të ndodhur mu në vlugun e luftës së vitit 1998,duke filluar nga Deçani e shtrirë deri në Has, kanë folur edhe ushtarë e politikanë të ndryshëm, përfshi edhe vet Adem Demaçin, njeriu i parë politik i UÇK-s, me seli në Prishtinë.

Dorëzimi masiv i armëve tek forcat policore serbe, dëshmohet edhe nga procesverbalet e gjetura me listat e armëve të dorëzuara, si ai i datës 29.09.1998,në dosjet e Sigurimit të Punëve të Brendshme në Gjakovë, i cili nga organet pushtuese serbe ishte emërtuar si “pranim-dorëzim” i armëve, municionit dhe lëndëve të tjera shpërthyese, të dorëzuara nga ana e qytetarëve të fshatrave me përkatësi shqiptare. 

E meqenëse qysh atëherë nisën dallaveret dhe blerja që nga uniformat larmane e deri te statuset dhe favoret e luftës, kjo më vonë degradoi edhe në prodhimin industrial të veteranëve, në numrin e stërmadh të të cilëve, tanimë figurojnë edhe 26-30 vjeçarët e sotëm, që atëbotë ishin fëmijë.

Madje kur u pa se ata që vendosnin për statusin e veteranëve, hanin paratë, pritjet në radhë për blerjen e dëshmive në këmbim të pagesave deri në 1 mijë euro, për të siguruar statusin dhe pensionin e veteranit të UÇK-s, u shtuan dhe arritën deri në afro 40 mijë sosh.

Se ç‘moral luftëtari kanë matrapazët që shisnin dëshmi të rrejshme, flet më së miri edhe aktakuza e prokurorisë kundër një “veterani” me nam, për detyrimin e mbesës së vet në prostitucion dhe aranzhimin e marrëdhënieve seksuale me pagesë, me disa “shokë” e të njohur të tij, për të përfituar vet nga kushtet e rënda ekonomike të saj. 

Ndërsa sipas informatave të fundit, numri i përfituesve të pensionit të veteranëve tashmë ka arritur në 37 mijë e 44 veteranë, pasi që vetëm në tre muajt e parë të këtij viti, listës i janë shtuar edhe 2515 emra të rinj. 

Ky numër, krahasuar me të dhënat e organizatës IOM  e cila që nga vitit 1999,ështe involvuar në de-militarizimin e UÇK-së, tanimë është dyfishuar dhe rritur 100%.

Por përkundër të gjithave sa kanë ndodhur dhe vazhdojnë të ndodhin edhe nëse vije deri te zvogëlimi i numrit të veteranëve nga organet e drejtësisë së korruptuar vendore, nuk përjashtohet mundësia që të pësojnë- jo ata që do të duhej, por ata që nuk kanë përkrahje dhe u mungojnë paratë. 

Ndaj, në shënjestër të hetimeve nuk do duhej të ishin më, vetëm përfituesit e keqpërdorimeve, por i gjithë establishmenti politik, i cili e ka krijuar dhe mbështetur hapur një sistem të tillë të titullarëve të dyshimtë, si dhe klasa aktuale e inkriminuar politike e cila ka degraduar dhe kriminalizuar çdo segment te shtetit dhe jetës në Kosovë, përfshirë edhe luftën e shenjtë dhe imazhin e pastër të UCK-s. 

Kalendari

Ngjarjet e datës 22 Maj 2018 - Ministri i Arsimit, Shkencës dhe Teknologjisë, Shyqiri Bytyqi, do të vizitojë komunën e Kaçanikut, ku do të takohet me kryetarin e Komunës, Besim Ilazi. (Zyra e kryetarit Ilazi, ora 9:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën fillore dhe të mesme të ulët “Jusuf Gërvalla” në Biqec. (Objekti i shkollës në Biqec, ora 9:45)

- Instituti për Politika Zhvillimore organizon tryezën ”Sistemi Pensional në Kosovë: sfidat dhe mundësitë”. (Hotel Sirius, ora 10:00)

- Në kuadër të kampanjës “Drejtësia dhe biznesi” Ministri i Drejtësisë, Abelard Tahiri, së bashku me përfaqësues nga KIESA dhe Oda Ekonomike Amerikane, do të takojnë bizneset nga rajoni i Mitrovicës. (Hotel Palace në Mitrovicë, ora 10:00)

- Mbahet mbledhja e Komisionit për Mbikëqyrjen e Financave Publike në të cilen do të behët shqyrtimi i raportit të Auditimit për PVF-të e Autoritetit të Aviacionit Civil, shqyrtimi i raportit të Auditimit për PVF-të e Organit Shqyrtues të Prokurimit, etj. (Ndërtesa e Kuvendit, salla N 303, ora 10:00)

- Komisioni për të Drejtat e Njeriut, Barazi, Gjinore, Persona të Pagjetur dhe Peticione, nesër, më 22 maj 2018, viziton Burgun e Dubravës, me rastin e shënimit të përvjetorit të masakrës së vitit 1999. (Dubravë​, ora 10:15)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën e mesme “Feriz Guri dhe Vëllezërit Qaka”. (Objekti i shkollës, ora 10:30)

- Oda Ekonomike e Kosovës publikon studimin “Bottleneck” me qëllim identifikimin e barrierave që pengojnë të bërit biznes në vendin tonë. (Oda Ekonomike e Kosovës, ora 11:00)

- Nënshkruhet memorandum bashkëpunimi mes MKRS-së dhe OJQ George Williams Youth Association in Kosovo me qëllim financimi në projektin “Qendra e edukimit jo-formal për rini” me lokacion në fshatin Pjetërshan në komunën e Gjakovës. (Ministria e Kultures, Rinise dhe Sportit, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilen do të behët shqyrtimi i Raportit vjetor të Komisionit të Pavarur për Miniera dhe Minerale, shqyrtimi i Projektligjit për Masat Mbrojtëse në Importe, etj. (Ndërtesa e Kuvendit, salla N204, ora 11:00)

- Me rastin e shënimit të 19-vjetorit të masakrës së Dubravës bëhen homazhe në nderim të burgosurve të vrarë në burgun e Dubravës nga forcat paramilitare serbe. (Dubravë, ora 11:00)

- Kryetari i Gjilanit, Lutfi Haziri, pret në takim futbollistët e FC Drita, të cilët të dielën u shpallën kampion. (Zyra e Kryetarit, objekti i ish-gjykatës, ora 12:00)

- Ambasadori i Republikës së Shqipërisë në  Kosovë, Qemal Minxhozi viziton komunën e Dragashit, ku do të pritet nga kryetari i komunës, z. Shaban Shabani (Komuna e Dragashit, ora 12:30)

-  Ministri për Punë dhe Mirëqenie Sociale, Skender Reçica dhe Ministri për Komunitete dhe Kthim, Dalibor Jetviq raportojn para Komisionit për të Drejtat, Interesat e Komuniteteve dhe për Kthim lidhur me implementimin e projektit për ndërtimin e shtëpive për komunitetin joshumicë. (Ndërtesa e Kuvendit, salla N 303, ora 13:00)

- Ministrja e Mjedisit dhe Planifikimit Hapësinor Albena Reshitaj do të vizitojë komunën e Vitisë, ku bashkë me kryetarin e komunës do të nënshkruajnë një memorandum bashkëpunimi për realizimin e një projekti në fushën e mjedisit. (Objekti i komunës së Vitisë, ora 13:00)

- Zëvendëskryeministri i Kosovës, Fatmir Limaj bashkë me shefen e Zyrës së BE-së në Kosovë, Natalyia Apostolova dhe Ambasadorin e Republikës së Shqipërisë në Kosovë, Qemal Minxhozi, marrin pjesë më inaugurimin e rrugës Krushevë-Shishtavec, e financuar nga BE.. (Krushevë, Komuna Dragashit, ora 15:00)

- Shefja e Zyrës së BE-së në Kosovë, Natalia Apostolova së bashku me autoritetet e Kosovës do të përurojnë rrugën e ndërtuar rishtas midis Krushevës dhe Shishtavecit, që lidh Kosovën dhe Shqipërinë, të financuar nga Bashkimi Evropian. (Vendkalimi kufitar mes fshtarave Krushevë dhe Shishtavec Komuna e Dragashit, ora 15:00)

- Drejtori i misionit të USAID-it Xhejms Houp do të flasë me rastin e ceremonisë zyrtare që do të shënojë partneritetin me Cacttus Education. (Cacttus Education, rr. Bashkim Fehmiu. Arberia 3, BC2/11, nr. 4,  ora 16:45)

- Dega e OVL te UÇK-së në Kaçanik në bashkëpunim me SHIL, SHFD, institucionet komunale organizon orë përkujtimore me rastin e 19 të rënies heroike të dëshmorëve: Danush Kurtaj, Mejdi Dalloshi, Tefik Raka, Avdylgafurr Luma dhe Suad Brava, të rënë në Masakrën e Dubravës së Istogut me 22 maj ’99. (Shtëpia e Kulturës “Xheladin Kurtaj” në Kaçanik, ora 17:00)

- Bëhen homazhe me rastin e 19 të rënies heroike të dëshmorëve të rënë në Masakrën e Dubravës së Istogut me 22 maj ’99. (Varrezat e dëshmorëve dhe martirëve, ora 18:30)