12 Dhjetor 2018

Shpend Ahmeti, një hipokrit i pacipë

Shkruar nga Burim Podrimçaku

Loja me Kishën Protestante dhe Xhaminë e Myslimanëve në Prishtinë, ka vetëm një epilog: Votën dhe vetëm Votën. Kryetari i komunës së Prishtinës z. Shpend Ahmeti, çështjen e xhamisë me vendimin e fundit për “Kushte ndërtimore” e ka kthyer përsëri në piken zero pas katër vite mandat, ndërsa votën përsëri e kërkon në emër të Xhamisë, një Hipokrizi e pacipë!

Këtë fakt z. Ahmeti e ka dëshmuar edhe në zgjedhjet lokale të vitit 2013, i cili atë botë në njërën anë si një figurë e dal nga Subjekti politik “FER”, i ishte bashkangjitur Lëvizjes Vetëvendosje, si një kuadër i ri plot energji nga Universiteti i Harvardit, për të rikthyer shpresën e çdo të riu në kryeqytet, mënjanë duke tejkaluar vijat politike të Lëvizjes Vetëvendosje.

Përkundër që i ri në moshë, lojërat politike dhe strategjitë për të arritur majën e pushtetit në Prishtinë, assesi nuk përbënin rregull apo dispozitë, subjekt, apo ideologji, qëllimi duhet arritur me çdo çmim dhe çdo premtim.

Nisur nga kjo, z. Shpend Ahmeti me mbështetjen e LVV-së në njërën anë, që VV ishte ndërtuar si një subjekt me fondacione nga “SOROS” për të quar një hap para agjendën e saj politike e ideologjike për Kosovën, Ahmeti kishte bërë edhe një pakt në prapaskenë ndaj LVV-së atë botë, me fondacionit “Rockefeller Brothers”, ku këtij të fundit, në momentin e marrjes së pushtetit, konkretisht në mars të vitit 2014, z. Shpend Ahmeti ,i kishte shpërblyer me nënshkrimin e marrëveshjes së parë me këtë fondacion, si shpagim i ndihmës dhe financimit në zgjedhjet e vitit 2013.

Epilogu i lojërave të ‘fatit’ nga z. Ahmeti po vazhdon, vetëm se kësaj radhe me një dinamik më të rrezikshme, atë të kartës fetare në kryeqytet. Disa ditë më parë derisa z. Ahmeti ishte pyetur nga gazetarët mbi lejen për Kishën Protestante në Prishtinë, ky i fundit ishte përgjigjur: “Duhet të respektohen të drejtat e komuniteteve fetare në vend”, edhe pse ky komunitet në Prishtinë përbëhet hiq më shumë se 0.17% e popullsisë së kryeqytetit.

Në anën tjetër, siç është i informuar edhe opinioni, kemi një kërkesë nga Bashkësia Islame e Kosovës (BIK) që nga ardhja e z. Ahmeti në pushtet, pra në fund të vitit 2013 për pajisje me leje ndërtimi për Xhaminë e madhe të Prishtinës, e assesi të Lagjes Dardania siç është potencuar nga këshilltari i Shpend Ahmetit, ateisti Yll Rugova, i cili kishte mbledhur disa herë nënshkrime për ndalim të kësaj xhamie.

Komuniteti mysliman në Prishtinë përbëhet hiq më pak se 98% nga popullsia e përgjithshme në kryeqytet, një e drejtë e tillë nuk është dhënë që katër vite për këtë komunitet.

Nisur nga deklarata e z. Ahmeti për komunitetet pakicë duke i pajisur me leje brenda natës, në fshehtësi të pastër nga opinioni, madje duke ndërtuar një kishë me një lagje ku 99.99% e atyre që banojnë aty janë të komunitetit mysliman, komuniteti mysliman anën tjetër zvarritet me kërkesa më banale që mund të dëgjoj çdo qytetar.

Ajo çka e shpërfaq hipokrizinë e z. Shpend Ahmetit edhe matej së fundmi është presioni i kësaj të fundit ndaj BIK-ut për publikim të një shkrese për lejim të Kushteve ndërtimore për Xhaminë e madhe në Prishtinë. E cila nëse shikohet në thelb nga përmbajtja, kjo i bie se z. Ahmeti çështjen e Xhamisë së Kryeqytetit e ka kthyer pas 4 vite të mandatit të tij në pikën zero.

Me këtë veprim të fundit, stagnimit dhe instrumentalizimit katër vjeçar të çështjes së xhamisë, si një e drejtë elementare e të drejtës dhe lirive të njeriut në aspektin fetar, kryetari aktual i Prishtinës z. Shpend Ahmeti, nuk ka të drejtën të kërkoj votë nga komuniteti mysliman në kryeqytet.
 
Kryeqyteti i Kosovës ka nevojën për një kryetar i cili në parim ka drejtësinë, sinqeritetin dhe besnikërinë ndaj amanetit ndaj votuesve, e assesi të një kryetari i cili nga një udhëheqës i kryeqytetit të sulmon policinë me gur nëpër protesta të huliganve, të luan me kartat e kishave apo xhamive, e aq më pak me instrumentalizim të komunitetit mysliman duke e shkelur çdo amanet nga premtimet e bëra vite me parë, i cili vazhdon t’i përsëris po të njëjtat premtime/gënjeshtra ndaj tyre.
 

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Fondi për të Drejtën Humanitare Kosovë në kuadër të projektit "Mbështetja në procedimin e krimeve  të luftës të kryera gjatë luftës në ish-Jugosllavi" me partnerët Dokumenta nga Zagrebi dhe Fondi për të Drejtën Humanitare nga Beogradi organizon konferencën më temë 'Mbështetja  në procedimin e krimeve të kryera në luftëra të ish-Jugosllavisë'. (Hotel Sirius, ora 10:00)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)