10 Dhjetor 2018

Rikolonizimi i Kosovës Lindore-Preshevës, përmes Planin Aksional Lokal

Shkruar nga Valon Jashari

Rikolonizim e quajë, pasi që Kosova Lindore-Presheva, Bujanoci dhe Medvegja për të tetën herë që nga Kogresi i Berlinit, e duke vazhduar me Luftërat Ballkanike I, II, Lufta e Parë Botërore, periudha mes dy luftërave botërore dhe ajo gjatë dhe pas Luftës së Dytë Botrore dhe nga Lufta e Kosovës  tani së fundmi për të tetën  herë me Planin Aksional Lokal po e përjeton rikolonizimin e kësaj treve shqiptare.

Kjo trevë autoktone shqiptare gjatë periudhave të ndryshme të historisë  së saj të dhimbshme përjetoi disa herë kolonizimin dhe thuajë se që të gjitha herët e saj i mbijetoi duke ruajtur etnitetin e saj.

Kolonizimi i Medvegjës gjatë Luftës së Kosovës ishte me pasoja fatale ku i’u ndryshua struktura etnike e popullatës shqiptare dhe tani nuk janë mbi pesëqind banor shqiptar. 
 
Të gjithë u shpërngulën me dhunë në Kosovë dhe Europë dhe asnjë institucion lokal e ndërkombëtar apo shoqatë nuk përkujdeset për kthimin e tyre në shtëpitë e tyre. Fatin e njëjtë e përjetoi edhe Bujanoci dhe Presheva gjatë kësaj periudhe por nuk arritën të ndryshojnë strukturën etnike të shumicës shqiptare në këto dy qytete.

Qeveria serbe, tani me Planin Aksional Lokal dëshiron që të arrij qëllimet e saja kundër popullatës shqiptare.

Vazhdimësia e projekteve të Ilija Garashaninit dhe të Vaso Çubrilloviçit për kolonizimin e tokave shqiptare dhe për shfarosjen e  popullatës  shqiptare në mënyra dhe mjete të ndryshme, as sot në mendsinë dhe në projektet serbe të qeverisë  dhe të Kishës Ortodokse serbe nuk rreshtin së ndaluri.

Planin Aksional Lokal për avancimin e pozitës së migrantëve në territorin e Komunës së Preshevës, për periudhën 2017 – 2021, i aprovuar nga Këshilli Komunal i Komunës së  Preshevës,  me procedura të përshpejtuara pa siguruar materialin, e kaloi në mbledhjen e thirrur me përfaqësuesit e APN-së, edhe pse formalisht përfaqësuesit e PVD-së e lëshuan mbledhjen, nuk ka  se si ndryshe të cilësohet ky veprim pos rikolonizim i kësaj treve shqiptare me ndimën e vasalëve të Vuçiqit.

Edhe pse Plani asnjëherë  nuk u procedua në Kuvend, i nënshkruar nga Kryetari I Komunës i’u dërgua organeve përkatëse shtetërore serbe.

Partitë politike në krye me vasalin e Vuçiqit,  Shqiprim Arifin dhe pjesërisht edhe me ndihmësin e tij Riza Halimin, janë fajtorët më të medhenj të këtij rreziku që po i kanoset Kosovës Lindore.  

Nuk do mend se heshtja edhe e subjekteve tjera politike në heshtje po e miratojnë këtë plan antishqiptar,  pasi që mundë të konsiderojmë rreth një viti së paku as në mënyrë simbolike nuk është protestuar edhe as një herë për ndonjë të drejtë elementare që i mohohen shqiptarëve të kësaj pjese.

Plani Lokal Aksional është një dokument mbi avancimin e pozitës së migrantëve e refugjatëve e personave të zhvendosur të kthyer në bazë të Marrëveshjes për riatdhesim, azilkërkuesëve dhe migrantëve në nevojë pa status të definuar. 

Ky plan për refugjatët e zhvendosur që ishin të  detyruar të largoheshin  nga shtëpitë e tyre për shkak të luftrave në ish-republikat Jugosllave, dhe bombardimeve në Kosovë, parasheh ndërtimin e shtëpive e banesave për serbët në këtë zone.

Vendosja e serbëve  në këtë rajon me shqiptar do të ndikonte direkt në ndryshimin e gjendjes demografike në raport me shumicën shqiptare në këtë rajon.

Qeveria serbe duke dashur që përmes organeve të nivelit lokal duke i dhënë kompetenca më të mëdha vendim-marrëse dhe duke i’a ndarë  një buxhet special  për këtë rikolonizim rreth 1.173.000 euro, po arritë qëllimet e saja politike antishqiptare.

Shteti serb në mënyrë shumë perfide në këtë plan i’u referohet kinse edhe të gjithë atyre qytetarëve të zhvendosur dhe të kthyer në bazë të Marrëveshjes për Riatdhesim qytetar të Serbisë që e kanë humbur apo nuk kanë të drejtë banimi në shtetet e Bashkimit Europian.

Kjo shihet qartë, se nuk ka asnjë strategji për riatdhesimin e shqiptarëve të zhvendosur, të detyruar nga dhuna shtetërore serbe të vendosen në  BE.

Por, thjesht për vendosjen e kolonve serb,vetëm me banorë të nacionalitetit serb që janë shpërngulur nga ish-republikat Jugosllave si nga Kroacia, Bosna dhe veçanërisht nga Kosova.

Qeveria serbe me veprimin e saj, po e vë në lajthitje Bashkimin Europian kinse shteti serb është shtet stabil dhe respektues i të drejtave të njeriut  dhe interesohet që të zhvendosurit nga BE, ti riatdhesoj e që në fakt fshihet politika koloniale serbe kundër shqiptarve.

Ky plan synon të vendosë edhe refugjat nga Lindja e Mesme pasi që shteti serb nga njëra anë thithë fonde nga Bashkimi Europian nën klauzolën e këtyre refugjatëve të strehuar në këtë rajon; dhe në anën tjetër po ndryshon strukturën etnike të populates.

Gjë që, po e getoizon këtë rajon me një “popullatë të paintegruar”, duke shtuar etninë religjioze Islame përmes emigrantve dhe duke shtuar ndikimin oriental me konotacione politike.

Kjo mënyrë i shërben që të rrisë format e dhunës dhe presionit ndaj popullatës vendase si nga ana e saj, ashtu  edhe përmes këtyre emigrantëve, që vetë shtetet e BE-së po kanë probleme me getoizimet që i krijojnë emigrantët e huaj.

Ky Plan Lokal Aksional që i’u është imponuar Komunës së Preshevës nga Qeveria Serbe përmes vasalit të tij Shqiprim Arifit, si një “musliman i devotshëm që dirigjohet nga një ortodoks i Beogradit” duhet ndaluar që më parë, dhe Prishtina e Tirana duhet sa më parë që ti tregojnë këtijë vasali se zbatimi i këtij plani nënkupton rikolonizim të Preshevës, dhe se duhet krijuar kushte elementare për kthimin e shqiptarëve që janë shpërngulur në mënyrë të dhunshme.
 
/Autori është historian, ish-veteran i UÇPMB-së, ish-Kryetar i “Lëvizjes së Lirisë”, Lëvizje që vepron në Preshevë, Bujanoc dhe Medvegjë, ish i burgosur në grupin e Dobrosinit, si dhe aktivist për të drejtat e shoqërisë shqiptare/
 

Kalendari

Ngjarjet e datës 10 dhjetor 2018 - Ambasador i Shteteve të Bashkuara të Amerikës, Philip S. Kosnett së bashku me ambasadorët e Mbretërisë së Bashkuar, Italisë dhe Francës,  të ngarkuarin me punë të ambasadës gjermane, Kryesuesen e Zyrës së BE-së në Kosovë, si dhe një përfaqësues të organizatës Iniciativa për Progres do të flasin gjatë hapjes së Javës kundër korrupsionit në Kosovë. (Sirius Hotel, ora 9:30)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve shëndetësore dhe rehabilituese për fëmijë. (Hotel Sirius, ora 10:00)

- Mbahet konferenca e Forumit të Rinisë së LDK-së me temën “Pa-siguria Sociale dhe Ekonomike e të Rinjve në Kosovë”. (Hotel Sirius, ora 10:00)

- Ministria e Drejtësisë, Zyra e Koordinatorit Nacional kundër Dhunës në Familje, organizon konferencën “Qasja në drejtësi e viktimave të dhunës në familje dhe dhunës në baza gjinore”. (Hotel Emerald, ora 10:00)

- Kryeministri Ramush Haradinaj merr pjesë në Konferencën Rajonale "Qasja në drejtësi për viktimat e dhunës në familje dhe dhunës në baza gjinore". (Hotel Emerald, ora 10:00)

- Mbahen punimet e Forumit Kosovaro-Maqedonas të Sigurisë 2018, që organizohet nga Fondacioni “Konrad Adenauer Stiftung”, Kolegji AAB dhe Universiteti Kliement Ohridski, Fakulteti i Sigurisë, Shkup. (Kolegji AAB, ora 10:00)

- Klubi Dëshira organizon promovimin e programit të Ndërmarrjes Sociale Dëshira. (Hotel Prishtina, ora 10:00)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë aktivitetin “Çohu për të Drejtat e Njeriut” për shënimin e 10  dhjetorit, Ditës Ndërkombëtare për të Drejtat e Njeriut.​  (Teatri Kombëtar të Kosovës, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për Ratifikimin e Marrëveshjes për Protokollin Shtesë 5 të Marrëveshjes për Amendimin dhe Aderimin në Marrëveshjen e Tregtisë së Lirë të Evropës Qendrore si dhe shqyrtimi i vendimit të Qeverisë për emërimin e anëtarëve të Bordit të Agjencisë Kosovare të Privatizimit. (Ndërtesa e Kuvendit, salla N 303, ora 11:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Vushtrrisë. (Restaurant Holiday, ora 11:00)

- Muzeu i Kosovës për nder të ditës ndërkombëtare të drejtave të njeriut do të bëjë promovimin e katalogut me imazhe taktile dhe të përkthyer në Brail në bashkëpunim me shoqatat e të verbërve në Kosovë. (Muzeu i Kosovës, ora 11:00)

- Koalicioni i OJQ-ve “Java Kundër Korrupsionit 2018” organizon tryezën e diskutimit me temë “Parandalimi dhe luftimi i konfliktit të interesit në pushtetin gjyqësor”. (Hotel Sirius, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje bashkëpunimi me kryetarin e Komunës së Klinës Zenun Elezaj. (Objekti i Komunës së Klinës, ora 11:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë marshin “Çohu për të Drejtat e Njeriut”, i cili fillon nga sheshi “Skënderbeu” deri te sheshi “Zahir Pajaziti”. (Sheshi “Skënderbeu”, ora 12:00)

 - Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi në parim i Projektligjit për Arsimin e Lartë në Republikën e Kosovës(Ndërtesa e Kuvendit, salla N 303, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje me kryetarin e Komunës së Junikut Agron Kuçi. (Objekti i Komunës së Junikut, ora 13:30)

- Me rastin e 10 Dhjetorit, Ditës Ndërkombëtare të të Drejtave të Njeriut, Kolegji AAB në bashkëpunim me KMDLNJ organizojn tryezë që i kushtohet Adem Demaçit, fitues i Çmimit Saharov dhe çmimeve të tjera ndërkombëtare për të drejtat e njeriut. (Qendra Mediale e Kolegjit AAB, ora 14:00)

- Me rastin e 10 dhjetorit, Ditës ndërkombëtare të të Drejtave të Njeriut, Misioni i OSBE-së në Kosovë do të organizojë sot një ekspozitë me fotografi dhe poezi, vepra te artistëve të rinj që morën pjesë në konkursin e Misionit të titulluar “Të drejtat e njeriut përmes artit”.  (Lapidariumi i Muzeut të Kosovës, ora 15:00)

- Qendra Kinematografike e Kosovës në bashkëpunim me Shtëpinë e Kulturës në Bujanoc organizojn Javën e Filmit të Kosovës në Bujanoc. (Shtëpia e Kulturës në Bujanoc, ora 17:00)

- Mbahet ceremonia e dorëzimit të çmimit që shënon Ditën Ndërkombëtare Kundër Korrupsionit për të falenderuar publikisht kontributet e gazetarëve të guximshëm të cilët zbulojnë rastet e korrupsionit dhe për të rritur ndërgjegjësimin përmes tregimeve të tyre. (Grand Hotel, ora 17:30)